Аскердик авиация күнүнө карата тик учактар кичинекей балдар менен асманга көтөрүлүштү

Тик учактар кезеги менен кайра конушту.

Тизилген тик учактар Кыргыз Республикасынын желегин желбирете учушту.

Баары бир кыймыл менен эки айлампа учкан соң, тик учактардан кызыл түстөгү түтүн чыкты.

Асманга көтөрүлгөн учактар алыстагандан алыстап баратышты.

Эл жерде туруп кызыгуу менен тик учактарга көз салды.

Тик учактар асманга көтөрүлүштү.

Учууга даяр тик учак

Тик учактар учуучу тилкеге тизилип, абага көтөрүлүүгө даярданышууда.

Тик учактар учууга даярданууда.

Бөбөктөр биринчилерден болуп тик учактардан орун алышты.

Кичинекей балдар менен уландар гана тик учактарга кызыкпастан, чоң кишилер дагы абдан кызыгуу менен учакты карап чыгышты.

Тик учактар учуучу жайдын кире бериши.

Бүгүн, 18-августта 23565-аскер бөлүгүнүн базасында Аскердик авиация күнүнө карата салтанаттуу иш-чара өттү.

Дал ушул күнү 57 жыл мурун СССРдин Куралдуу күчтөрүнүн Башкы штабынын көрсөтмөсүнө ылайык, Токмоктогу окутуу-авиациялык полкунун негизинде аталган авиабөлүм түзүлгөн.

Аскердик авиация күнүнө карата салтанаттуу иш-чаранын өзөгүн тик учактардын учуусу түзүп, авиацияга кызыккан жаш балдарга тик учакка түшүүгө мүмкүнчүлүк жаралды. Ошондой эле техниканын түрлөрү көргөзүлүп, жаштарды мекенчил болууга үндөгөн окутуулар болуп өттү.

Аталган иш-чарада авиациянын ардагерлери кезигишип, бөбөктөргө өздөрү учуп жүргөндө асманда болгон окуялары жөнүндө кызыктуу маек курушту. Ардагерлерден тышкары КРнын Куралдуу күчтөрүнүн Башкы штабынын жетекчилиги, Абадан коргоо күчтөрүнүн башкармалыгы, Бишкек гарнизонунун аскер кызматкерлери, жергиликтүү бийлик өкүлдөрү жана Орусиянын “Кант” авиабазасынын өкүлдөрү катышышты.