СУПЕРСТАН: "Өзүн анча карабаган балдар майдачыл, киришчээк болушпайт"

SUPER.KG порталынын "Суперстан" бөлүмүндө "Өзүнүн сырткы келбетине маани бербеген балдар" деген тема талкууга алынууда.

Теманы ачкан колдонуучунун суроосу:

"Өзүнө анча карай бербеген, бирок жакшы балдар арабызда абдан көп. Ошол бала келечекте кандай күйөө болушу мүмкүн? Аялы таза болсо, тазалыкка үйрөнөбү же адатынча эле шалпылдаган бойдон калабы? Сиз аял алганча кандай элеңиз, андан кийин кандайсыз?"

Жооптор:

"Аял жакшы - эр жакшы" деп коёт го".

"Ошол жүдөгөн бала тыкыйган кызды келинчек кылып алса болгону... Көп убакыт өтпөй келинчеги өзүнө окшотуп, тыкыйтып алса керек".

"Үй-бүлөнү мамлекет менен салыштырып коёбуз, эркекти президент кылып, аялды премьер-министр кылып. А мен аялга депутаттык милдетти дагы жүктөп коймокмун, анткени үйдөгү мыйзамдарды дагы аял түзөт. Аял түзгөн мыйзамга күйөөсү - президент дагы баш ийип калат. Эгер аял таза, тыкан болсо, күйөөсү, балдары дагы таза, тыкан болушат. Аялы, тилекке каршы, жүдөө болсо, бойдок кезинде чыкыйып жүргөн эркегиң деле жүдөп, кебетеси кетип калат".

"Өзүн анча карай бербеген балдар майдачыл, киришчээк болушпайт. Кара жумуштан коркпойт. Чыкыйып жүргөндөрдүн чыкыйганга жараша майда деталдарга маани берүүсү да "чыкыйган" болот. Биринчилеринин кемчилиги, кийин сизге жардам бергенинен бербегени дурус болот, себеби "бардакты" бат уюштура коюшат. А экинчилери сизге үй ичинде кол кабыш кылганы менен, кара жумушка анчейин жок, анан да майда кемчиликтериңизди да бат эле көрүп коюшат".

"Андайлар жөнөкөй, эмгекчил болушат. Жыртык кийимдин ичинде жалындаган жүрөк бар дегендей болушса керек. А жуунуп, тараныштан зериккендерге сөз жок. Өзүнчө эле таза адам болуп, кийимин туш-тушка чачкан чыкыймаларга келсек, аялдын эле шору".

"Ошо тыкыйып жүргөндөр киришчээк болушат. Бир абысыным "Сенин күйөөңдүн колунан да келет, талап кылганды да билет. Биздики "болсо болот, болбосо жок да" деп коюп жүрө берет" дейт. Чын эле ошондой. Бир жездем өзүнө анча карабайт, эжеме да киришпейт, үйүн жыйнабай көчөгө чыгып кетсе да иши жок. А биздики өзү да таптаза, айланасы да таптаза болушун каалайт. Жумуштан келгенде бир жер жыйналбаганын көрүп калсын, тим эле куда күтө тургандай урушуп алат... "

Талкууга кошулгуңуз келсе, бул жакка кириңиз.

Автор: Үмүт Абдраимова

19:04 18-08-2016

Жазылуу

РУБРИКАДАГЫ СОҢКУ КАБАРЛАР

09:36 2025-05-15 | Коом жана турмуш

Бишкекте "102" тасмасынын жабык көрсөтүүсү өттү (видео) 24 0

09:35 2025-05-15 | Коом жана турмуш

"Кызыгуум күч болду". Кыргыз тилин 5 айда үйрөнгөн стамбулдук Юсра менен маек 903 0

09:32 2025-05-15 | Түркүн дүйнө

Путин менен Зеленский Стамбулга сүйлөшүүгө ким барарын чечти 132 0

08:50 2025-05-15 | Коом жана турмуш

Өлкөдө бала бакча жетекчилеринин бош кызмат орундарына сынак жарыяланды 139 0

08:30 2025-05-15 | Коом жана турмуш

"Браконьерлер чабуулун токтотпой". Ысык-Көлдө эс алуучу жайлардын жээктерин тазалоо күчөтүлдү (видео) 266 0

08:12 2025-05-15 | Коом жана турмуш

Ошто мал сарай бузулуп, ордуна жаңы эс алуу жайы курулду 419 0

Архив

Комментарийлер (6)

barakcha

2016-08-18 19:27:11

Эркектин майдачылы жеп койот жон эле.

tursunbaev78

2016-08-18 19:38:26

Эми ар кимдин оюу ар турдуу да мен мисалы озум тыкан элем журом,бирок келинчегиме киришпейм.

krem

2016-08-18 21:53:34

майдачылдар келинчегиндин тамагы даамдуу болбой же кийимин утуктолбой калсын ошондо киришпегенини коробуз го

-1

tatynam_88

2016-08-18 22:27:32

Куда куто тургандай урушуп алат денизчи;))

u.n.m

2016-08-18 23:46:43

Чын эле менин куйоом майдачыл эмес. Мени ким карамак эле,элдин иши болбосун деп кийим тандабайт.даярдап берсем киет,бербесем турган турушу мн кете берет. Бир жолу кийимге Дордойго чыктык. Жеткенде карасам акчаны унутуп калыптырмын уйго. Ай ата деп кайра уйго жоноду.жолдо пропка,жалга келгиче бир согуп,урушуп койбойт. Наоборот мен неудобно болуп,чыдабай кетип урушуп койсон боло десем,урушканда не акчан келип калабы,болоору болду да деп коёт байкушум. Ошондон кийин да ооло сыйлайм.

xnurgul_gul

2016-08-19 04:12:15

Менин куйоом олтуро жасанып тапптаза журот,элдер дагын айтат бирок уйдо андай эле майдачыл эмес ал келгенде тамак даяр болуш керек даяр болбосо капа болот жасабаптырсын куйооно деп

Комментарий калтыруу үчүн өз ысымыңыз менен кириңиз же каттоодон өтүңүз.