Кыргыз Республикасынын Акыйкатчысы Кубат Оторбаев президентке "Кордай" чек ара пункту боюнча кайрылды

Кыргыз Республикасынын Акыйкатчысы Кубат Оторбаев Алмазбек Атамбаевге кыргыз-казак чек арасындагы "Кордай" пункту боюнча кайрылды. Бул тууралуу омбудсмендин басма сөз кызматы билдирди.

"Кыргыз Республикасы менен Казакстандын чек арасында жайгашкан "Кордай" пунктунан өтүп бара жатып мени таң калтырган абал сизге кат жазууга түрткү болду", - деп белгилейт Оторбаев.
"Эки өлкөнүн жарандары Кыргыз Республикасы ЕАЭБге, ал эми Казакстан Бажы биримдигине кирген соң чек арадан өтүү процесси жеңилдешине, казакстандык чек арачылар тарабынан мазактоолор менен коштолгон бюрократтык иш-аракеттер токтооруна үмүттөнүшкөн. Тилекке каршы, Казакстандын Чек ара кызматынын кызматкерлеринин өздөрүнүн милдеттерине гана эмес, адамдарга да кылган көңүл кош, жоопкерчиликсиз мамилесине кабылып, эки өлкөнүн жарандарына адамгерчиликсиз мамиле жасашкандарына күбө болдум. Мен чек арадан өтүп жатканда 5 кызматкер турду, бирок алардын экөөсү документтерди текшерип жатышса, калгандары анекдот айтып отурушту. Алар баштыктарды жана башка нерселерди текшерип жатып процесске тиешеси жок суроолорду берип, кээде жаш кыздардын телефон номерлерин да сурашкандарын байкадым. Мунун баары жарандарды чек арада кезекте жай убагында куйкалаган күн алдында жана кышкысын катуу суукта 1,5-3 сааттан ашык турууга аргасыз кылат.

Албетте, жыйынтыгында "Освенцим абагы" деп аталган темир тосмолорго кирген карылардын, кош бойлуулардын, балдардын ден соолуктарына чоң зыянын тийгизип жатат. Эгер кимдир бирөө өзүнүн укугун коргоого аттанса, аёо жок, аларды ого бетер мазактоочу аракеттер менен андан да көп убак кармашат. Менин көз карашым боюнча, казак чек арачыларынын мындай иш-аракеттери өлкөлөрүбүздүн мамилелерине чоң залакасын тийгизүүдө.

Адамдын жана жарандын укугун бузган мазактоо, кемсинтүү жана шылдыңдоо сыяктуу мамилени көргөн соң, кызматкерлердин мындай мамилелеринин себептерин билүү үчүн Чек ара кызматынын "Кордай" пунктунун жетекчилеринин бирине кайрылдым. Ал маяна аз болгондуктан, бул чек ара пунктунда иштөөнү каалагандардын саны аз экендиги менен түшүндүрдү. Менин оюмча, мындай иш-аракеттерди жүргүзүүгө бул түрткү эмес", - деген акыйкатчы өз катында.

Кубат Оторбаев Казакстандын Адам укукугу боюнча ыйгарым укуктуу өкүлү Аскар Шакировго да кат жибергени маалым болду. Маалыматка ылайык, катында чек ара пункттарына жана Казакстандын беделине туура келбеген темир тосмону алууга бардык чараларды көрүүнү суранып, жарандар үчүн шарттарды түзүүнү, чек арачылардын тиешелүү деңгээлде иштешин өтүнгөн.

Эске салсак, буга чейин бул маселе боюнча нааразычылыктар жазылып келген.

Автор: Үмүт Абдраимова
Фото: Интернеттен алынды

12:38 01-09-2016

Жазылуу

РУБРИКАДАГЫ СОҢКУ КАБАРЛАР

00:51 2025-05-15 | Түркүн дүйнө

Франциядагы зоопаркка чагылган тийип, 13 киши жабыркады 252 0

00:22 2025-05-15 | Түркүн дүйнө

Жаңы Рим папасы согушуп жаткан өлкөлөрдүн лидерлерин сүйлөшүүгө чакырды 345 0

23:42 2025-05-14 | Түркүн дүйнө

Эрдоган Трамптын чечими башка өлкөлөр үчүн үлгү болорун айтты 696 0

23:05 2025-05-14 | Саясат

Депутат Токтошев Акылбек Жапаров убадасын аткарбай кеткенин айтты (видео) 637 0

22:35 2025-05-14 | Коом жана турмуш

Баткен шаарында асфальт-бетон чыгарган завод ачылат 423 0

22:13 2025-05-14 | Саясат

Мирлан Самыйкожо өлкө тарыхында биринчи жолу боло турган жаңылык айтты (видео) 2361 0

Архив

Комментарийлер (5)

KDM.Asylbek

2016-09-01 12:52:18

1.5.3 саат турса эчнерсе эмес кебирлери суткалап кезек күтүп араң өтүшуп жатышатко акча берсең бир эки саатта өткөрүп жиберишет эгер акча бербесең суткалап күтөсүң ошол чек ара маселесин биздин чоңдорубуз чечип беришсе

n.u.r.s.u.l.t.a.n

2016-09-01 13:03:12

Биз дагы досторум менен ушундай көрүнүштөргө кабылганбыз. Кордай чек арасына түнкү саат 3 тө барып эрте менен саат 9 да өткөнбүз

Azumi32

2016-09-01 13:25:24

Бул илгертен бери келе жаткан корунуш.

only_progress

2016-09-01 13:37:25

Бизде чечиле элек чек аралар аябай эле коп турбайбы...Мен Баткен,Аксы чек аралары деп эле ойлоптурмун.Биздин чек аралардын баары эле сатылып кеткен окшойт мурун эле. Неге чек ара маселеси азайгандын ордуна кайра кобойуп жатат?...

mambo-1984

2016-09-01 13:40:21

Мен жакында эле чалдыбар постунда телефонума звонок келгенинен 2 саат кармап анан шавер келип алып чыгып кеткен 500 сом берген ошон учун айтарым постон откондон семичка сигарет же сотканарды кармап отсор мени кылгандай кылат абайлагыла

Комментарий калтыруу үчүн өз ысымыңыз менен кириңиз же каттоодон өтүңүз.