Үңкүр-Тоодон өзбектер кармап кеткен Усупбаевдин жубайы: "Ушул сүйлөшүүдө жыйынтык болбосо, чогулуп акимчиликке барабыз"

Үңкүр-Тоодон 22-августта өзбектер кармап кеткен жарандар эмдигиче бошотулбай келишет. Кыргыз Республикасынын өкүлдөрү улам өзбек бийлиги менен сүйлөшүүгө барганы менен, эч кандай жыйынтык чыккан жок. Кармалган кыргыз жарандарынын биринин кызы "атам ушинтип келбей калды" деп ыйласа, биринин апасынын кан басымы улам жогорулап, кайра-кайра ооруканага барып жатат.

"Апамдын кан басымы көтөрүлүп, өзүн жаман сезип, улам дарыгерлерге барып жатабыз. Өзүмдүн абалым да жакшы эмес. 10 күндөн ашты, күйөөм дагы эле өлкөбүзгө кайтарыла элек. Акимчиликтен сүйлөшүүлөр жүрүп жатканын айтышууда. 29-августта бизден баргандар сүйлөшпөй эле, "майрамга байланыштуу сүйлөшө албай калдык" деп келишти. Жыйынтык жок. Эми кайра 2-сентябрда барышат экен. Ошону күтөлү деп жатабыз. Тажап кеттик күтө берип... Мунусунда болбосо, туугандар болуп чогулуп акимчиликке барып, жыйынтык чыгарууну талап кылабыз", - дейт өзбектер кармап кеткен кыргыз жараны Нурбек Усупбаевдин жубайы Гүлсия Дооронова.

Кечээ, 1-сентябрда Нурбек Усупбаевдин баласы 1-класска барды. Тилекке каршы, ал уулун жетелеп мектепке алып барып, анын мектеп босогосун аттаганын көргөн да жок. Гүлсия Дооронова эс тартып калган уулу атасын сурап, сагынып, ыйлап жатканын айтат.

"Уулум 1-класска барды. Атасын кайра-кайра "Качан келет?" деп сурай берет. Сагынгандан кээде ыйлайт. Экинчи балам 8 айлык. Атам каза болуп калган. Апам да минтип ооруп кыйналдык", - деди Дооронова.

Нурбек Усупбаев үй-бүлөсүнүн жалгыз багуучусу. Бир үй-бүлөнү жалгыз адам кыйынчылык менен бага турганы анык. Эми минтип эки кичинекей балалуу үй-бүлө багуучусу жок күн өткөрүп жатат. Мындай үй-бүлөдөн учурда дагы үчөө бар экенин эске салсак.

"Нурбек жок, эптеп күн өтүп жатат. Эртерээк сүйлөшүп, чыгарып беришсе жакшы болмок. Башка кармалган кесиптештеринин үй-бүлөлөрү менен байланыша албай жатам. Алардын биринин үй-бүлөсү Бишкекке, Ак үйгө чейин барыптыр деп уктум. Биз ушул сүйлөшүүсүнүн жыйынтыгын көрөлү деп турабыз", - дейт Дооронова.

Автор: Үмүт Абдраимова
Фото: Шекербек Камчыбек уулу

08:22 02-09-2016

Жазылуу

РУБРИКАДАГЫ СОҢКУ КАБАРЛАР

00:51 2025-05-15 | Түркүн дүйнө

Франциядагы зоопаркка чагылган тийип, 13 киши жабыркады 176 0

00:22 2025-05-15 | Түркүн дүйнө

Жаңы Рим папасы согушуп жаткан өлкөлөрдүн лидерлерин сүйлөшүүгө чакырды 275 0

23:42 2025-05-14 | Түркүн дүйнө

Эрдоган Трамптын чечими башка өлкөлөр үчүн үлгү болорун айтты 575 0

23:05 2025-05-14 | Саясат

Депутат Токтошев Акылбек Жапаров убадасын аткарбай кеткенин айтты (видео) 531 0

22:35 2025-05-14 | Коом жана турмуш

Баткен шаарында асфальт-бетон чыгарган завод ачылат 371 0

22:13 2025-05-14 | Саясат

Мирлан Самыйкожо өлкө тарыхында биринчи жолу боло турган жаңылык айтты (видео) 2144 0

Архив

Комментарийлер (15)

Abdurahman

2016-09-02 08:28:23

Илгери журт башчыларыбыз баатырларыбыз элибизге кандай куйот эле. Азыркы чондорубуздун акыбалы бул. Эс алып келип баштай элек жатып кайра эс алууга кетишти тообоо. Бул жакта канчалаган орчундуу маселелерибиз турат, бироосу да айтып чыкпады койгула уят деп.

Sharos3

2016-09-02 10:43:07

Биздин чондордун колунан келбей калды окшойт

nura.177

2016-09-02 11:10:26

Abdurahman,ушуларга ишенген кайран элбизда,эми тойлоп ,айттап бутуп иштерине киришишет,шайланып алганча илбирстерден бери секиртип жибергилери келип кетет. Элибизканча жылдап дем алышы жок талаалап иштеп журушот,соз жок жеп жутарларга,парламенттик башкаруу керек беле бизге

rejepova

2016-09-02 08:30:44

акимчилик нени кыйратмак эле, президент унчукпай отурганда

anyaza

2016-09-02 08:45:21

Бугунда чечилбейт,Чет элдик ММК лар Каримовтун тажиясы бугун деп жазып жатышат.

adiko11

2016-09-02 09:10:55

anyaza,Каримов олуптурбу тируу деп айтып атат го неге жашырып атышат тооба кылдым

Sharos3

2016-09-02 09:12:20

anyaza,
Тажиясы деп каерде жазылып турат аны тируу деп атышпады беле

Revolyutsiya

2016-09-02 08:50:30

Акимчиликтен жыйынтык болбойт, Атамбаев референдумдун артында, депутаттар-министрлер оюн-кулку тамашанын артында, бир соз менен бийликке "некогда", ал эми акимчиликтин колунан бул ишти чечуу келбейт. Ошондуктан 100-200 адам чогулуп кайра тарап кетпей, эл баары чогулуп аягына чейин талап кылышы керек, бул элдин укугу. Эгер эл кайдыгер болсо Ункур-Тоо да Узонгу-Кууш, Каркырага окшоп берилип кетет. Элди элдин аттуу-баштуу азаматтары баштап чыгуу керек, бийликке "баары бир" болсо

Nyrbany.ayim

2016-09-02 15:01:26

Revolyutsiya, бузуку элди угуттобо

-1

din_tomas

2016-09-02 09:17:05

Деги эмне айтышынды да билбейсин чондорго!!! Эмне кылганда кыймылдайт булар озу??? Ак уйун да кок уйун да ХХХ ХХХ ХХХ эл алкыш айтат эле...

admin_portal

2016-09-02 10:21:23

din_tomas, провокация жарата тураган билдирүүлөргө тыюу салынат!

-2

Revolyutsiya

2016-09-02 09:20:18

Чындап эле акыркы маалыматтар Ислам Каримовдун кайтыш болгонун тастыктап жаткандай.. Менимче бийлик Каримовду сактап калуу учун бар кучун жумшашты корунот жана майрамдан кийин оздорунун "юрт башы" менен коштошууну туура корушту менимче.Каримовду биз жаман коргонубуз менен Озбекистан сыймыктанса болот Каримов менен. Ал Орто Азияда Назарбаевден кийинки эн мыкты башкаруучу болду Озбекистандын кызыкчылыгын жогору коюп курошкон..

Revolyutsiya

2016-09-02 09:29:08

Экинчиден Озбекистандын башында Каримовдой катуу, тоталитардык башкарууга ыктабаган адам турганда Озбекистан эли оз ара жиктелип жанжалдар коп болмок, экинчи жагынан Озбекистан радикалдар-экстремисттердин уюгу, Каримов болбогондо Озбекистан Афганистан, Иракка айланмак...

Ал эми жакынкы 2-3 кун Озбекистан эли жана бийлиги аза кутооруно байланыштуу Ункур-Тоо маселеси жана 4 жараныбызды бошотуу белгисиз моонотко, эч болбосо кийинки жумага жылдырылмакчы...

bekhaliev

2016-09-02 11:29:24

Менин жеке оюм ал 4тону катуу сабап койгон болсо к,к

-3

aiur

2016-09-02 12:00:41

Жыйынтык чыгарышпайбы суйлошуп,кандай абалда отурушат,коруп оздору менен суйлошпойбу,эч тушунбодум жыйынтык жок келгендерге,уй-булосу гана тушунбосо калганына баарибир,качан олду дегенде 50000с акча берип коюшат болду.

-1

Комментарий калтыруу үчүн өз ысымыңыз менен кириңиз же каттоодон өтүңүз.