1916-жылдагы Үркүндө курман болгондордун элесине арналган мемориалдык эстелик ачылды (фоторепортаж)

Бүгүн, 2-сентябрда "Ата-Бейит" мемориалдык комплексинде 1916-жылдагы Үркүндө курман болгондордун элесине арналган мемориалдык эстелик ачылды. Иш-чарага мамлекеттик, коомдук ишмерлер, чыгармачыл инсандар катышышты.

Эстелик 2015-жылдын 18-ноябрындагы сынактын жыйынтыгында жеңүүчү аталган айкелчилер Сардарбек Ажиев, Марат Огобаев жана архитектор Улан Бейшенбаевдин долбоорунун негизинде курулган. Аны курууга жалпысынан 5 ай убакыт кетип, 100дөй куруучу эмгектенген.

Эстелик-мемориал бир нече элементтен турат.

Борбордук композициясында кызыл гранит менен капталып, ууктарды элестеткен үч чулу массивде 21 метр бийиктикте түндүк орнотулган. Түндүк Кыргыз Республикасынын көз карандысыздык идеясын чагылдырып турат. Ал эми үзөңгүлөр ылдыйдан өйдө түндүккө карай кеткен. Көчмөн кыргыз элинде ээр токумсуз, бош үзөңгү - жоготуунун, трагедиянын символу. Бул кыргыз элинин ошол 1916-жылдагы абалын таамай чагылдырат. Курман болгондор элинин эркиндиги, көз карандысыздыгы үчүн өмүрүн сайгандар. Бул идея 1991-жылы Кыргыз Республикасы болуп түзүлгөндөн кийин ишке ашты. Боз үйдүн түндүгүнө карай кеткен үзөңгүлөр көз карандысыздыкка карай кеткен жолдун элесин берген.

Ошондой эле мемориалда "1916" деген дата түшүрүлүп, бир тарабында таасирдүү ыр саптары жазылган:

"Дүйнөгө ак калпакчан көрүндүк биз,

Асмандан жамгыр болуп төгүлдүк биз.

Чөп болдук жер тандабай өсө берген,

Булуттай аалам кездик, чачылдык биз.

Кырылып бара жатып тирилдик биз,

Бөлүнүп бара жатып бириктик биз".

Үркүн: Кыздарын бир табак унга сатып, балдарын кул кылган

Автор: Турсунай Алымкулова
Фото: Турсунай Алымкулова

14:06 02-09-2016

Жазылуу

РУБРИКАДАГЫ СОҢКУ КАБАРЛАР

00:51 2025-05-15 | Түркүн дүйнө

Франциядагы зоопаркка чагылган тийип, 13 киши жабыркады 176 0

00:22 2025-05-15 | Түркүн дүйнө

Жаңы Рим папасы согушуп жаткан өлкөлөрдүн лидерлерин сүйлөшүүгө чакырды 275 0

23:42 2025-05-14 | Түркүн дүйнө

Эрдоган Трамптын чечими башка өлкөлөр үчүн үлгү болорун айтты 575 0

23:05 2025-05-14 | Саясат

Депутат Токтошев Акылбек Жапаров убадасын аткарбай кеткенин айтты (видео) 531 0

22:35 2025-05-14 | Коом жана турмуш

Баткен шаарында асфальт-бетон чыгарган завод ачылат 371 0

22:13 2025-05-14 | Саясат

Мирлан Самыйкожо өлкө тарыхында биринчи жолу боло турган жаңылык айтты (видео) 2144 0

Архив

Комментарийлер (5)

jakilik

2016-09-02 14:15:48

Кытайлык кыргыздарын ыр саптары экен

Мэри

2016-09-02 14:36:03

Айкелчилер жакшы эмгек жасашыптыр. Үркүнгө менин чоң энем да катышкан,көп нерселерди айтып берген... Эркиндикти, эгемендикти баалап, баркына жетсек...

Belek2070

2016-09-02 15:38:20

Очпос оттун жанындагыга окшошуп калыптыр, башкача кылып жасаганда болмок.

-3

ruffo90

2016-09-02 17:20:15

Belek2070, ушул сен бардык жанылыктын алдына негатив комментарий жазат экенсин. Озун аябай идеалдуу адам окшойсун?

Kroxa

2016-09-03 08:25:40

Откондорду эскеруу онгондуктутун белгиси,,откондорду унутуу олгондуктун белгиси,,молодцы жакшы болгон,кыйын кезди чагылдырган эстелик болуптур..

Комментарий калтыруу үчүн өз ысымыңыз менен кириңиз же каттоодон өтүңүз.