ЖЫЛНААМА, 6-СЕНТЯБРЬ: Хит ырлардын аткаруучусу, орусиялык ырчы Юрий Шатунов 43 жашка толду

Юрий Шатуновдун жаш кези

Ырчы үй-бүлөсү менен

Бүгүн, 6-сентябрда орусиялык белгилүү ырчы, "Ласковый май" тобунун солисти Юрий Шатунов 43 жашка толду. Ал Башкортостандын Кумертау шаарында төрөлгөн. 3 жашка толгондо ата-энеси ажырашып, 8 жашында энеси жүрөк оорусунан улам каза болгон. Юрий 12 жашка чейин таежесинин колунда чоңоюп, андан кийин жетимдер үйүндө тарбияланган. Бир жылдан кийин Оренбург шаарындагы №2-интернат-мектебине которулган.

Юрий Шатунов алгачкы жолу "Ласковый май" тобу менен 1986-жылы 28-декабрда интернаттын жаңы жылдык бий кечесинде ырдап чыккан. Буга чейин музыкага көңүл кош мамиле кылганы менен, дал ушул күндөн тартып жаш талант музыкадан башка кызыкчылыктарынын баарынан алыстоого аргасыз болгон. Топко келгенге чейин жаш болсо да, ар кайсы Маданият үйлөрүнөн суранып жүрүп эң алгачкы "Белые розы" ырын жарыкка алып чыккан. Көп узабай ыр бүткүл Советтер Союзунун элине тарап, хит ырга айланат.

Ал "Ласковый май" тобунун эң көрүнүктүү солисти катары чыныгы жылдыздардын катарын толуктап, ал гана эмес, эң популярдуу болууга жетишкен. "Месяц июль", "Метель в чужом городе", "Звёздная ночь", "Розовый вечер" альбомдору менен бүтүндөй СССР элинин жүрөгүн багындырган “Ласковый май” тобу ал учурда, жетекчиси Разиндин айтымында, 20 миллион долларга жакын акча табышкан.

1992-жылы Юрий Шатунов “Ласковый май” тобунан кеткен. Юрийдин кетиши менен топ дагы таркайт. Топтон кетүүсүнүн себебин Юрий жеке ырчы катары өз карьерасын өстүрүүнү каалагандыгы жана Разиндин ашыкча башкарып алгандыгы менен байланыштырган.

Атактуу ырчы жеке жашоосу, үй-бүлөсү тууралуу маалымат бергенди жактырбайт. "Менин сахнада кандай ырчы экенимди көрүшсүн, бирок жеке жашоомдун эшиги баары үчүн жабык" деген принципти бекем кармап келет. Андыктан ырчынын социалдык тармактарда эч кандай өздүк баракчасы жок, бирок анын ысымы менен ачылган көптөгөн баракчалар бар. Ырчыга аларды жаптыруу үчүн кылган аракети эч бир жыйынтык бербей келет.

6-сентябрдын жылнаамасы.

Автор: Турсунай Алымкулова

11:47 06-09-2016

Жазылуу

РУБРИКАДАГЫ СОҢКУ КАБАРЛАР

22:14 2025-05-10 | Түркүн дүйнө

Пакистан Индия менен ок атышууну токтотуудан кийин аба мейкиндигин ачты 1160 0

20:18 2025-05-10 | Түркүн дүйнө

Украина дүйшөмбүдөн тарта 30 күндүк ок атышууну токтотууга даяр экенин билдирди 1200 0

19:14 2025-05-10 | Түркүн дүйнө

Трамп Индия менен Пакистан ок атышууларын токтотконун жарыялады 1377 0

18:34 2025-05-10 | Саясат

Бишкектеги мектептердин бири казак президентинин атасынын наамын алды 1373 0

18:03 2025-05-10 | Спорт

Эркин күрөш боюнча улуттук курама Иранда өткөн мелдештен байгелүү кайтты 771 0

17:46 2025-05-10 | Коом жана турмуш

"Үй, дүкөн бузулуп". Ошто тосулуп калган унаа өтүүчү жол ачылды (видео) 2625 0

Архив

Комментарийлер (5)

Cesar

2016-09-06 12:26:12

Туулган күнүң кут болсун Юра. Сенин "Белые розы","Седая ночь",Бездомный пес"деген ырларың менен чоңойдук. Азыркы күнгө чейин актуалдуулугун жогото элек.

alibekova94

2016-09-06 12:47:09

Ото кучтуу ырчы да бул, мына ырчы деп ушуну айт.

Artyr1994

2016-09-06 13:39:06

Мен ырларын дале угам угуп алып эс алам

erlist

2016-09-06 14:33:36

Талантуу деп ушуну айтса болот Юра коп жаша

tatynam_88

2016-09-06 20:53:38

Эн жонокой ырчы ээ.ырлары дуйно элинин журогунон тунок тапкан

Комментарий калтыруу үчүн өз ысымыңыз менен кириңиз же каттоодон өтүңүз.