Улакчы Манас Ниязов: "Мурунку оюндарын эстеп өздөрү уялышсын деп казактарды уруп-сөккөн жокпуз"

SUPER.KG порталынын кубогунда калыстар тобунун катарында болду

10-сентябрда Кожомкул атындагы Спорт Ордосунда SUPER.KG порталынын кубогу үчүн таймаш өтүп, анда "Универсал" командасы биринчи орунду алган эле. Бул күнү калыстар тобунун катарында II Дүйнөлүк көчмөндөр оюндарындагы көк бөрү оюнунда өзгөчөлөнгөн белгилүү улакчы, "Мыкты чабуулчу" наамын алган Манас Ниязов да болду. Интернет ааламында анын ден соолугуна залал келерине карабай өжөрлөнүп, тай казанга улакты секирип таштап салган кадрлар популярдуу болууда.

Манас Ниязов Ош облусуна караштуу Өзгөн районунун Дөң-Булак айылында туулган. 23 жашта, 6 жылдан бери көк бөрү ойнойт. Ал Көчмөндөр оюндарындагы кызыктар, жеңиштери тууралуу SUPER.KG порталына кыскача маек курду.

"Көчмөндөр оюндарындагы эң кызыктуу учур казактар менен беттеш болду. Бул оюнду баарыбыз күткөн элек, катуу даярданганбыз. Абдан кызыктуу оюн болду, жеңишке жетиштик. Кыргыздын намысы үчүн деп тай казанга да секирип жаттык. Уткандан соң баарыбыз кубандык, толкундандык. Эл да аябай ыраазычылыгын билдирип жатты", - дейт Манас Ниязов.

2013-жылы 10-15-сентябрь күндөрү Казакстандын Астана шаарында өткөн көк бөрү боюнча Азия чемпиондугундагы финалдык беттеште кыргыздар менен казактар оюн ойноп, казактар жеңишке жетишишкен. Кийин көк бөрү оюнунда казак оюнчулары кыргыздарга карата орой мамиле жасап, жеңишке жетишкени социалдык тармактарда бир топ талкууга алынган. Ал эми үч жылдан соң кайра финалда кез келишти. Андыктан "өткөн оюндар үчүн казактардан өч алгыла" дегендер да болгон. Бул тууралуу улакчы буларга токтолду:

"Биз көк бөрү оюнун өнүктүрүү максатында казактар менен беттеште аларга карата эч кандай орой мамиле жасаган жокпуз, абдан жакшы мамиле кылып жаттык. "Таш менен урганды аш менен ур" дегендей, мурунку оюндарын эстеп өздөрү уят болуп калышсын деп уруп-сөккөн жокпуз. Жеңилүүдөн кийин кандай абалда калышты билбейм, себеби оюндан кийин көрүшкөн жокпуз.

Көк бөрү оюнунда жалпы 3,5 миллион сом утуп алдык. Азырынча сыйлыктарды ала элекпиз. Ал эми мен "Мыкты чабуулчу" наамын алып, 100 миң сом сыйлыкка ээ болдум".

Келечектеги пландары, тай казанга секирген "трюктары" тууралуу буларга токтолду:

"Тай казанга секирүү адат болуп калган. Кыргыз-казак оюнунда тай казанга секирип түшүп, бактыга жараша, жаракат алган жокмун. Секирбесем түшпөй калышы мүмкүн эле. Кыргыз элинин намысы, жеңиши үчүн секириш керек болду. Ат жайдак калды. Эч кайда качкан жок, мени күтүп турду. Аттын тили эле жок, болбосо акылдуу, адамды тебелебейт. Кырсык болбой эле койсун, бирок оюнда ден соолугума залал келтирген учурлар болгон эмес. Алдыда дагы казактар менен беттеш бар, андыктан утулуп калбоо үчүн кызуу даярданабыз".

Эӊ мыкты улакчы Манас Ниязов

Көк бөрү. Финалдык беттештин мыкты учурлары

Автор: Турсунай Алымкулова
Фото: Манас Ниязов

16:12 12-09-2016

Жазылуу

РУБРИКАДАГЫ СОҢКУ КАБАРЛАР

22:14 2025-05-10 | Түркүн дүйнө

Пакистан Индия менен ок атышууну токтотуудан кийин аба мейкиндигин ачты 1029 0

20:18 2025-05-10 | Түркүн дүйнө

Украина дүйшөмбүдөн тарта 30 күндүк ок атышууну токтотууга даяр экенин билдирди 1105 0

19:14 2025-05-10 | Түркүн дүйнө

Трамп Индия менен Пакистан ок атышууларын токтотконун жарыялады 1319 0

18:34 2025-05-10 | Саясат

Бишкектеги мектептердин бири казак президентинин атасынын наамын алды 1302 0

18:03 2025-05-10 | Спорт

Эркин күрөш боюнча улуттук курама Иранда өткөн мелдештен байгелүү кайтты 702 0

17:46 2025-05-10 | Коом жана турмуш

"Үй, дүкөн бузулуп". Ошто тосулуп калган унаа өтүүчү жол ачылды (видео) 2494 0

Архив

Комментарийлер (37)

satarovkubacom

2016-09-12 17:26:35

Азаматтар, Мен негизи Достук каманданын фанаты болом, Алга Достук Алга Кыргызстан, балдар балдар Кыргызстан))

Maks1

2016-09-12 18:46:15

Азаматсың Манас, дагы да ийгилик.

report

2016-09-12 20:06:59

Мм жакшы. Астанада өткөн чемпионатта казактар кыргыздарга орой мамиле кылып, уруп сөккөн окшойт бейм эле.

joysin777

2016-09-12 21:26:14

report,ооба ошондой болгон дейт бирок биздин улакчылар тил менен эмес улакта коргозду ошол поведениесин мен бааладым улакчыларыбыздан Манастын колу кычкачеле болуп калганго деп койдум Рустам экоо Кыргызстандын командасын кыйлале сурдуу и опасный кылып туратекен аягына чейин

bosmos777

2016-09-12 20:27:15

Алга Кыргыз ! Манас менен сыймыктанабыз!

tulpar90

2016-09-12 20:45:10

Азаматтар кыргызымдын алгырлары .

zhusaliev89

2016-09-12 21:28:35

Манастын минген аттына соз жок экен

egiz-jigit

2016-09-12 21:41:28

Манас азаматсын аты да сонун экен тушуп бара жаткан улакты жамбашы менен туртуп тай казанга салып койду

BarsBaatyr

2016-09-12 22:25:45

Азаматсың Манас!!!Дагы да болсо албан-албан ийгиликтерди каалайбыз!

Bekish-kg

2016-09-12 23:01:47

мен тушунбодум,тамашоудо калыс болгонбу же супер кг порталынын кубогундабы?же экоо Бир нерсеби?:)

-1

malik.kadyr

2016-09-13 03:02:08

Азаматсын Манас!!!

zarlyk2211

2016-09-13 03:05:11

Азаматсыңар!!!Ийгилик кийинки беттештеда жеңишке жетишкиле.

nazgul90

2016-09-13 09:02:18

Ээээх ошол улакты Казахстан теле каналынан коруп алып абдан жыргадым да. АЗАМАТСЫНАР сонун улак болдуго биздин жигиттер мыкты 3:15 женди. озуда сонун солып жатты коломто дей беле айтор ошого аттары да зооор.

GORDIY.KG

2016-09-13 09:20:18

тантыгандар ото кобойуптур окунучтуу ушунтип да билдируу калтырышабы

-2

kyrgyz.93

2016-09-13 11:23:11

Zamir-bek сага караганда улакчылар акылдуу жана кыргызстанга пайдасы коп тийип жатат улакчылардын

medina84

2016-09-15 04:04:02

Admin ozunun jeke jawoosu boiun4a vidio interv8 algyla4y Manastan

joysin777

2016-09-16 01:48:26

medina84,колдойм

Комментарий калтыруу үчүн өз ысымыңыз менен кириңиз же каттоодон өтүңүз.