ЖЫЛНААМА, 3-НОЯБРЬ: Сильвестр Сталлонени нокаутка кетирген Дольф Лундгрен 59 жашка толду

"Рокки 4" тасмасынан

Теги швециялык болгон америкалык актёр, режиссёр, сценарист жана продюсер Дольф Лундгрен 1957-жылы 3-ноябрда Швециянын Стокгольм шаарында туулган.

Дольф Лундгрен 1985-жылы "Рокки" тасмасынын 4-бөлүгүндө советтик мушкер Иван Драгонун ролун аткарып атактуулукка жеткен. Андан соң "Кичинекей Токиодогу тирешүү", "Универсалдуу аскер", "Аалам башкаруучулары", "Жошуа дарагы", "Жазалоочу", " Ээ-жаа бербегендер" сыяктуу 50дөн ашык тасмаларда роль жараткан. 2004-жылы режиссёр катары дебют жасап, "Коргоочу" фильмин тарткан. Кийин "Механик", "Миссионер", "Кооптуу гастроль", "Өлтүрүүчү машина" тасмалары жарык көргөн.

Кызыктуу фактылар:

Дольф Лундгрендин өзүнүн аты - Ханс.
Швед тилинен тышкары англис, испан, итальян, немис, француз тилдеринде эркин сүйлөйт жана орус, япон тилдерин билет.
"Рокки 4" тасмасында Сильвестр Сталлоне экөөнүн мушташын чындыкка окшоштургусу келгендиктен, чындап мушташышкан. Жыйынтыгында Сталлоне ооруканага жөнөтүлгөн.
Өзүнүн 50 жашын Москвада белгилеген.
Билими боюнча физик, химик.

3-ноябрдын жылнаамасы.

Автор: Үмүт Абдраимова
Фото: Интернеттен алынды