ЖЫЛНААМА, 4-НОЯБРЬ: Америкалык актёр, сценарист, режиссёр жана продюсер Мэттью Макконахи 47 жашка чыкты

Аялы Леви Алвес менен

Үй-бүлөсү менен

Белгилүү "Титаник" тасмасындагы башкы каарман Жек Доусондун ролун ойномок.

Мындан 47 жыл мурун, 1969-жылы 4-ноябрда америкалык актёр, сценарист, режиссёр жана продюсер Мэттью Макконахи АКШнын Техас штатындагы Ювалде шаарында туулган.

Ал алгач өзүн комедиялык актёр катары көрсөтө алса, кийин олуттуу ролдорго өткөн. Мэттью Макконахи "Адвокат үчүн Линкольн", "Мад", "Киши өлтүргүч Жо", "Супер Майк", "Интерстеллар" тасмаларындагы ролдору үчүн жакшы пикирлерге татыса, "Сатып алуучулардын Даллас клубу" драмасындагы ролу үчүн "Алтын глобус", "Оскар" сыйлыктарына ээ болгон.

Кызыктуу фактылар:

Ата-энеси 2 жолу ажырашып, 3 жолу үйлөнүшкөн.
Белгилүү "Титаник" тасмасындагы башкы каарман Жек Доусондун ролун ойномок, бирок баарына белгилүү болгондой, роль Леонардо Ди Каприого тийген.
Сүйлөшкөн кызы анын уулун төрөп жатканда жанында туруп бразилиялыктардын музыкасын ойноп турган.
Алгач Мэттью Макконахи юрист болууну самаган.

4-ноябрдын жылнаамасы.

Автор: Үмүт Абдраимова