Жол кырсыгынан жабыркаган Алмаз Качыбеков медициналык экспертизанын жыйынтыгын ала албай жатат

Бишкекте машина сүзүп бутунан жабыркаган Алмаз Качыбековдун медициналык экспертизасынын жыйынтыгы бир жарым айдан бери чыкпай жатат. Бул тууралуу бүгүн, 15-ноябрда SUPER.KG порталына жабырлануучу өзү билдирди.

"20-сентябрда кырсык болуп, унаа сүзүп ооруканага жатып калгам. 28-сентябрда Саламаттыкты сактоо министрлигинин алдындагы медициналык экспертизага кайрылганбыз. Биздин ишти Индира Керималиева аттуу адис карап жаткан. Аталган ишканага бир канча жолу жыйынтыкты сурап бардым. "Эртең чыгат, башка күнү кел" деген жоопторду угуп жатам. Жакында биздин ишти караган адис "3 күн жумушта болбойм, өзүм айтам" деген жоопту берди. Бир айдан ашуун убакыттан бери жыйынтык чыкпай жатат", - дейт нааразы болгон Качыбеков.

Саламаттыкты сактоо министрлигине караштуу медициналык экспертиза кызматына байланышканыбызда Индира Керималиева буларды айтып берди: "Негизи, жабырлануучулардын абалы боюнча экспертизанын жыйынтыгы 30 күн аралыгында чыгат. Алмаз Качыбеков деген тургун кайрылган. Анын иши каралып жатат. Жыйынтыкты бир ай убакытка чейин күтүү нормалдуу көрүнүш. Бүгүн-эртең жыйынтыгы колуна тиет".

Экспертиза боюнча атайын адистер айрым учурларда экспертизанын жыйынтыгын бир айлап эмес, бир жылдап күткөн убактар кездешерин айтышат. Алар бул иштин татаалдыгы, ошол эле учурда кезек күткөндөрдүн саны көптүгү менен түшүндүрүштү.

Эске салсак, буга чейин 18-октябрда "жолдошумду сүзүп, майып кылып койгон айдоочу эркиндикте жүрөт" деп жабырлануучунун жубайы Асел Жандаралиева билдирген.

Автор: Акназар Сулайманкулов
Фото: Алмаз Качыбеков

11:54 15-11-2016

Жазылуу

РУБРИКАДАГЫ СОҢКУ КАБАРЛАР

13:36 2025-05-14 | Кылмыштар, кырсыктар

Бишкекте жаранды сүзүп, качып кеткен айдоочу изделүүдө (видео) 56 0

13:33 2025-05-14 | Коом жана турмуш

Америкада кыргыз тилин үйрөткөн Уларбек агай: "Чет элдик студенттер тилди бат эле үйрөнүштү" (маек) 925 0

12:01 2025-05-14 | Кылмыштар, кырсыктар

Жүк ташуучу унаалар талкаланып... Ош-Эркештам жолунда ири жол кырсыгы катталды (видео) 1048 0

11:51 2025-05-14 | Түркүн дүйнө

Адам өлтүрүүгө айыпталып 40 жылдай абакта отурган жаран күнөөсүз деп табылды 1064 0

11:44 2025-05-14 | Бизнес-Инфо

Дагы эле iPhone үчүн ашыкча төлөп жүрөсүңөрбү? Honor кыйла көп артыкчылыктарга ээ! 208 0

10:44 2025-05-14 | Маданият, шоу-бизнес

Асел Кадырбекова Бишкек шаардык кеңешинин Ардак грамотасы менен сыйланды 1155 0

Архив

Комментарийлер (2)

kanat.ozgorush

2016-11-15 14:57:30

палитика кылбай эле койбойбу

Amankg

2016-11-16 14:19:12

Алмаз Соттук мед, экспертизанын жыйынтыгы 1 айдан кийин чыгат. Бул закондуу нерсе. Так что убагы келгенде заключениесин аласын. Бироону соттоп жибериш эле оной бекен.

Комментарий калтыруу үчүн өз ысымыңыз менен кириңиз же каттоодон өтүңүз.