Быйыл Ош шаарына 40 миңден ашуун дарак отургузулат

Ош шаарында Исхак Раззаков атындагы сейил багына ийне жалбырактуу бак-дарактар отургузулду. Бул тууралуу бүгүн, 27-январда Ош шаардык мэриясынын басма сөз кызматынан билдиришти.

"Быйыл Ош шаарында калааны көрктөндүрүү үчүн 50дөн ашуун долбоор менен иш жүргүзүлөт. 2017-жылы 40 миң декоративдүү дарак, 2 миң түп ийне жалбырактуу, 2 миң түп жазы жалбырактуу дарактарды отургузуу пландалууда. Мындан сырткары 36 миң түп бадал отургузулат", - деп билдирди басма сөз кызматы.

Маалыматка ылайык, бак-дарактарды тигүү иш-чарасына Оштогу Көрктөндүрүү жана жашылдандыруу чарба комбинатынын кызматкерлери, мекеме-ишканалар жана мэриянын өкүлдөрү, ошондой эле журналисттер катышкан.

Автор: Акназар Сулайманкулов
Фото: Ош шаардык мэриясынын<br>басма сөз кызматы