Айыл мугалимдери үчүн "Биринчи мугалим - 2017" сынагы жарыяланды

Кыргыз өлкөсүндөгү айыл мугалимдери үчүн "Биринчи мугалим - 2017" сынагы жарыяланды. Бул тууралуу Билим берүү жана илим министрлиги бүгүн, 3-мартта билдирди.

Бул сынакка айылдарда жана шаарчалардагы билим берүү мекемелериндеги баштапкы класстардын мугалимдери катыша алышат.

"Биринчи орунду алган катышуучу "Биринчи мугалим - 2017" наамына ээ болуп, Ардак диплому менен сыйланат. Башкы байге Санжарбек Данияровдун фондунун сыйлыгы - Москвага 10 күндүк маданий-билим берүүчү саякат", - деп жазылат маалыматта.

Сынактын лауреаттары, 1-2-3-орунду алгандар өзүнүн окуучулары менен Бишкекте 1 күндүк маданий-билим берүүчү саякатка ээ болушары маалым болду.

Автор: Үмүт Абдраимова