"ЭЛДИК КАБАРга" жооп: "Кыргыз Республикасынын айдоочулук күбөлүгү эл аралык конвенциядагы талаптарга жооп берет"

Кыргыз Республикасынын айдоочулук күбөлүгү Эл аралык конвенциядагы талаптарга жооп берерин Мамлекеттик каттоо кызматынын басма сөз кызматы бүгүн, 3-мартта SUPER.KG порталына билдирди.

Эскерте кетсек, окурман Орусияда Кыргыз өлкөсүнүн айдоочулук күбөлүгү жаратылбай жатканын кабарлаган.

"Элдик кабар" рубрикасындагы көрсөтүлгөн айдоочулук күбөлүк 2016-жылы 27-декабрда берилип, мөөнөтү 2026-жылга чейин көрсөтүлгөн. Кыргыз Республикасында жаңы үлгүдөгү айдоочулук күбөлүк 2015-жылдын июнь айынан тартып бериле баштаган жана бул айдоочулук күбөлүк "Жол кыймылы жөнүндөгү" эл аралык конвенцияда көрсөтүлгөн бардык талаптарга жооп берет", - деп билдиришти басма сөз кызматынан.

Автор: Үмүт Абдраимова