Кувейт өлкөсүнүн өкүлдөрү ден соолугунун мүмкүнчүлүгү чектелгендерге майыптар арабасын тапшырды

Кувейт өлкөсүнөн ден соолугунун мүмкүнчүлүгү чектелгендерге майыптар арабасы берилди. Бул тууралуу бүгүн, 8-мартта Муфтияттын басма сөз кызматынан билдиришти.

Маалыматка ылайык, алынып келинген майыптар арабасы кайрымдуулук фондунун демөөрчүлүгү менен ишке ашырылган.

"Аталган кайрымдуулук фонду буга чейин ар тараптуу жардамдарын берип келе жатышат. Мындай жардамдар келечекте дагы улантылары айтылды. Иш-чарага Кувейт мамлекетиндеги кайрымдуулук фонддун директору Сауд Абдилазиз Абдах жана анын орун басары Ахмат Мухаммад Хузейн катышты", - деп билдирди басма сөз кызматы.

Эске салсак, өлкө аймагында майыптар арабасына муктаждардын саны арбын.

Автор: Акназар Сулайманкулов
Фото: Муфтияттын басма сөз кызматы