16-мартта билим берүүдөгү тил, ыйман, тарбия маселелеринин актуалдуулугу боюнча илимий-практикалык конференция өтөт

16-мартта И.Арабаев атындагы Кыргыз мамлекеттик университетинин алдындагы Мамлекеттик тил жана маданият институтунда билим берүүдөгү тил, ыйман, тарбия маселелеринин актуалдуулугу боюнча илимий-практикалык конференция өтөт. Бул тууралуу КРнын Президентине караштуу Мамлекеттик тил боюнча улуттук комиссиясынын расмий сайтына жарыяланды.

Белгилүү болгондой иш-чара “Ыйман, адеп жана маданият” жылына карата уюштурулууда. “Азыркы билим берүүдө тил, ыйман, тарбия маселелеринин актуалдуулугу” аттуу илимий-практикалык конференцияда төмөнкү маселелер каралат:

- Ыйман, адеп маселесинин лингвистикалык аспектиде каралышы;

- Ыйман, адеп маселелеринин көркөм адабиятта чагылдырылышы;

- Окутууда ыйманга тарбиялоонун тарыхый аспектиси;

- Ыйман, адепке тарбиялоо теологиянын функциясы катары;

- Ыйман, адепке тарбиялоонун философиясы;

- Кыргыз искусствосу - ыйман, адепке тарбиялоонун жолу катары.

Автор: Айпери Ганыжан кызы