СУПЕРСТАН: "Чалды Кудай урарда элүүсүндө жаш болот" деген сөз жөн жерден чыкпаган көрүнөт"

SUPER.KG порталынын "Суперстан" бөлүмүндө "40 жаштан өткөн эркектер токтоно албай калабы?" деген тема талкууга алынууда.

Темадагы автордун билдирүүсү: "Күйөөм 40тан ашты. Шүгүр, жакшы жашадык, менин көзүмдү карап сүйөм, сенсиз жашай албайм деп турчу. Азыр аны бирөө алмаштырып койгондой. Ойнош таап алганын билип алып аябай жаман болдум. Ыйлап, "чыгып кет!" дедим. Мен ойлогом да жакшы көрөт деп, ал ушуну күтүп тургандай "эмне кыласың, ажырашасыңбы?" деди. Түшүнө албай ар кайсыны сүйлөп жүрө бердим. Башка үйгө жатып алдым же кечирим сурабайт. Он күндөн кийин капа болгон киши болуп "жаталы" дедим, дароо "мейли" деди. Жаттык, эртеси күнү да айттым, "отказ" жок "давай" дейт. Кыркка чыгып калды, жаш эмес, кантип эле "турсун" деп таң калам. Күнүнө 2 жолудан десем деле "мейли" дейт. Мени кайра жакшы көрүп калар, ойношуна кетпесин деп ар нерсе кылдым. Жок, кайдан "мен ал жакка дагы барып турайын" деп ачык эле айта баштады. "Ушундай экенмин, эмне кылайын?" дейт. Мени менен да жатат, тиги жагына да барат, ушул жашка келип буга эмне болгон деп таң калып жатам. Чогуу жатканыбыз менен мага азыр аябай оор болуп жатат. Аны кантип кармап калам. Ыйлап, үшкүрүп көзүмдүн жашы токтобойт. Тигил жагы качанкыга чейин эле иштей берет, эмне кылсам? Күнүгө жата берип менден көңүлү калып жатабы, билбейм. Орусиядабыз, ойношу да кыргыз эмес, татар. Аны жакшы көрүп калганбы, күйөөмдү тааныбай жатам. Бул жерде "бабкалар" аябай көп экен, акча ташып алып барып жатса, окутуп койгонбу деп да ойлоп кетем. Аябай оор болуп жатат, эмне кылсам? Ажыраша да албайм, башкача сүйөм, ансыз жашай албайм. Кеңешиңерди бергилечи, сураныч".

Темадагы билдирүүлөрдөн:

"Ай-ий, Кудай сактасын, Кыргыз өлкөсүнө алып кетиңиз. Апалары менен сүйлөшүп, оорудум деп чакыртсын, ашыкча акча карматпаңыз. Ар кандай шылтоо менен акчасын алыңыз. Себепсиз бербей койсоңуз жаман жыйынтык бериши мүмкүн, ар кандай шылтоолорду, көйгөйлөрдү жаратыңыз. Кыскасы сценарийине өзүңүздүн жакын адамдарыңыз жардам берсин".

"Эркек кыркка чыкканда чын сүйүү келет дейт го. Менин да башымдан өттү, сени жакшы түшүнүп турам, өтө оор. Канча балаң бар? Сен үй-бүлөңдү сактап калуу үчүн сабыр кыл. Жакшы сүйлөп өзүңө тартканга аракет кыл".

"Эркек болжол менен 40ка чыкканда кризис келет дешет. Потенциясы өзүнөн өзү көбөйбөйт, алгач "кыркка чыктым, картаюудамын" деген ой пайда болот. Анан өзүнүн дагы деле жаш экендигин тастыктоо үчүн ушинтип урунуп берилет дешет. Башкача айтканда, көп жылдар бою "өзүн жакшынакай алып жүргөн" адам дайыма "жакшы" болгондон тажайт да, тормозду коё берет. "Өмүрүм өтүүдө, а мен өзүм үчүн жашадымбы?" дегендей баалуулуктарын кайра карап чыгуу доору келет дешет. Бул сөзсүз эркектерде жана сөзсүз 40ка чыкканда эмес, аялдарда да кездешип, 45-50 жашта деле боло берчү нерсе экен. Бекеринен, "чалды Кудай урарда элүүсүндө жаш болот" деген сөз айтылган эместир".

Талкууга кошулгуңуз келсе, бул жакка кириңиз.