Кыргыз спортчулары Вьетнамда өтө турган жиу-житсу боюнча Азия чемпиондугуна катышат

Кыргыз спортчулары Вьетнамдын Ханой шаарында жиу-житсу боюнча 11-14-август аралыгында өтө турган Азия чемпиондугуна катышат. Бул тууралуу Жаштар иштери, дене тарбия жана спорт агенттиги маалымдайт.

Маалыматка ылайык, Азия чемпиондугунда Кыргыз курама командасынан 5 спортчу катышат. Алардын ичинен кумда ойнолуучу Азия оюндарында коло медалын жеңип алган Муртазали Муртазалиев катышат.

Жиу-житсу боюнча Кыргыз курама командасы:

Бекаяр Эгембердиев - спорт чеберге кандидат;

Бектур Тыныбеков - спорт чебери;

Муртазали Муртазалиев - Эл аралык категориядагы спорт чебери;

Нуркалый Мирланов - спорт чебери;

Эржан Турускелдиев - спорт чеберге кандидат.

Эске салсак, Чолпон-Ата шаарында 21-22-июль аралыгында жиу-житсу боюнча эл аралык мелдеш өтүп, ага 60тан ашык Кыргыз жана Казак спортчулары катышкан.

Автор: Нурсултан Нурболот уулу
Фото: Интернеттен алынган