1945-жылы япониялыктар чөктүргөн америкалык "Индианаполис" ири согуш кемеси 72 жылдан кийин табылды

1945-жылы япониялык суу астында жүрүүчү кеме чөктүргөн америкалык "Индианаполис" ири согуш кемесинин калдыктары 72 жылдан кийин Тынч океанда 5,4 миң метр тереңдикте табылды. Бул тууралуу CNN телеканалы кабарлайт.

Аталган кеме Хиросимага ташталган өзөктүк бомбага компоненттерин жеткирип келе жатканда 1945-жылы 30-июлда чөктүрүлгөн. Крейсер 12 мүнөттүн ичинде чөгүп, командага куткарылууга мүмкүнчүлүк болбой, жардам сураганга да жетишпей калышкан. 1196 аскерден 316сы гана куткарылып, АКШ үчүн тарыхында чоң жоготуу болгон. Кемени издөө иштери 72 жылга уланган.

"Индианаполис" ири согуш кемесинин калдыктарын 18-августта Microsoft компаниясынын түзүүчүлөрүнүн бири Пол Аллендин жетектөөсү менен 13 жарандык изилдөөчүлөр тобу тапкан.

Автор: Үмүт Абдраимова
Фото: Интернеттен алынды