"Сентябрь" телеканалын жабуу чечимине байланыштуу Жогорку Кеңешке кайрылуу жасалды

Бүгүн, 23-августта 7 бейөкмөт уюм жалпыга маалымдоо каражаттарына карата болуп жаткан куугунтуктоолор токтотулсун деген талап менен Жогорку Кеңештин депутаттарына ачык кайрылуу жасашты.

Кайрылууда бийликтин ЖМКларга кысым көрсөтүүсү өлкөдөгү сөз эркиндигине жасалган кысым экени, мурдагы эки революция да мына ушул сөз эркиндигине болгон кысымдан улам келип чыкканы айтылат.

"Өлкөдөгү эң эле маанилүү окуя, президенттик шайлоонун алдында элге альтернативдик маалыматтарды жеткирип, орчундуу саясий окуяларды чагылдырып турган "Сентябрь" телеканалын жабуу, жарандарды эркин маалымат булактарынан ажыратып, жарандык жана шайлоо укугун бузуу. Телеканалдын чагылгандай тездик менен жабылуусу учурда көз карандысыз жалпыга маалымдоо каражаттарына саясий куугунтук болуп жатканынын белгиси. Андан сырткары телеканалды "түз эфирде экстремистик билдирүү айтылган" деген доо менен жаап салуу ЖМКлар тууралуу мыйзамды бузуу болуп эсептелет.

Мындай мыйзам бузуу менен жасалган аракеттер элди бийликке каршы чыгуусуна мажбурлайт. ЖМКларга куугунтук жасалып, басым, коркутуу аркылуу өткөн шайлоо демократиялык жана мыйзамдуу болуп эсептелиши мүмкүн эмес. Шайлоого бир ай калганда эркин ЖМКларды жабуу бийликтин зордук менен болсо да президенттин мураскерин алга сүйрөөгө аракет кылып жатканынан кабар берет. Президенттик шайлоодо Кыргыз өлкөсүнүн келечеги чечилет. Жогорку Кеңеш ыйгарым укуктуу мамлекеттик түзүм катары таза, ачык шайлоо өтүүсүнө жоопкер. Ошондуктан Жогорку Кеңештен учурда ЖМКларга болуп жаткан куугунтуктарды тез арада токтотууну талап кылабыз", - деп айтылат билдирүүдө.

Эскерте кетсек, 22-августта Бишкектин Биринчи Май райондук соту “Сентябрь” телеканалына карата прокуратуранын доо арызын канааттандырып, аталган каналдын ишмердүүлүгүнө тыюу салган. Буга 2016-жылдын 29-сентябрында Ош ОИИБинин мурдагы башчысы Абдылда Капаровдун түз эфирдеги сүйлөгөн сөзү негиз болгон.

Автор: Кенжебай Сатканалиев

16:10 24-08-2017

Жазылуу

РУБРИКАДАГЫ СОҢКУ КАБАРЛАР

19:55 2025-07-14 | Түркүн дүйнө

Сирияда дин аралык жаңжал тутанып, 30дан ашык адам каза болду 99 0

19:25 2025-07-14 | Түркүн дүйнө

Евробиримдик Арменияга көз карандысыз ММКларды колдоо үчүн 1,5 миллион евро бөлдү 112 0

18:49 2025-07-14 | Спорт

Улуттук курама команданын убактылуу башкы машыктыруучусу дайындалды 345 0

18:42 2025-07-14 | Коом жана турмуш

Кыргызстандык окуучулар Кытайда өткөн олимпиададан байгелүү кайтышты 110 0

18:19 2025-07-14 | Түркүн дүйнө

Орусияда пляжда чагылган тийип, 3 адам каза тапты 542 0

18:01 2025-07-14 | Кылмыштар, кырсыктар

Орусияда спирт ичимдигин ичкен жаран үч досун бычактап салды 669 0

Архив

Комментарийлер (2)

Nurkyz1977

2017-08-24 16:33:00

Сентябрь каналын жаап койгону менен элдин оозун жаба алышпайт. Бул кундор да отот тарых таразалайт,элдин эсинде баары сакталат эч ким,эч качан унутулбайт. Жакшы адамдарды жылмайуу менен эскерсе,ал эми жаман адамдар жек коруу менен эстелет,жана ошондой эле андай адамды куттуу жерге кеп кылба деген да мезгил келер.

Shekeev969798

2017-08-24 18:04:00

Туз эфирде деп айтып атпайбы ал жерде кокустан айтылган, атайы тартып алып чыгарган жок да Акыйкат кайдаааа

Комментарий калтыруу үчүн өз ысымыңыз менен кириңиз же каттоодон өтүңүз.