Ислам Каримовдун кичүү кызы атасынын өмүрүнүн акыркы мүнөттөрү тууралуу интернетке пост илди

Өзбекстандын маркум президенти Ислам Каримовдун кичүү кызы Лола Каримова-Тилляева интернеттеги социалдык түйүндөгү жеке баракчасына атасынын өмүрүнүн акыркы мүнөттөрү тууралуу пост илди.

“Мен атамдын жана Өзбекстандын биринчи президентинин өмүрүнүн акыркы мүнөттөрү тууралуу өз көзү менен көргөн адам айтып бериши керек деп чечтим. 20 жылдан бери эң жакын адамым мен кайгыга чөгүп турганда атамдын өмүрүнүн акыркы мүнөттөрү тууралуу жазган”, - деп Лола курбу кызы Акила Таированын Каримовдун акыркы мүнөттөрү тууралуу жазганы менен улантты.

“Президенттин көзү тирүүсүндө аны менен жолугушкан эмес элем. Студент кезимде аны алыстан спорттук иш-чарадан эле көргөм. Бирок мага анын акыркы мүнөттөрүндө жанында болуу буйруптур. 2016-жылы 31-августта кечинде анын жашоосун сактап калуу боюнча үмүт бар эле. Курбумду колдоо үчүн 1-сентябрда кечинде Ташкент шаарына баргам. Президенттин жанында жубайы Марьям, кызы Лола жана анын улуу кызы болгон. 2-сентябрда саат 9:00 чамасында өзбек маалымат каражаттарында Каримовдун ден соолугу начарлап жатканы боюнча жаңылыктар чыгып баштаган. Лола мага телефон чалып атасынын 2-3 саат өмүрү калганын айткан. Ооруканага барганыбызда, анын денеси катуу ысып жатыптыр. Адам каза болоюн деп жатканда окулчу сүрөөсүн окуу үчүн дин кызматкерлерин чакырышкан. Бул дал келгендикпи билбейм, бирок сүрөөнү окуп баштаганда температурасы 36,5 градуска түшкөн. Баарыбыз ыйлап жаттык, дин кызматкерлери сүрөөнү окуп жатып ыйлаганы үнүнөн байкалып жатты. Бул учурда ал сүрөөнү угуп, кызы жанына барып сүйлөгөнүн сезип жаткандай болду. Ошентип ал 12 сааттан кийин каза болгон".

Андан соң Акила Таирова Ислам Каримовду акыркы сапарга узатуу зыйнаты тууралуу жазган.

"Лола атасын акыркы сапарга узатуу зыйнатын өткөрүүнү пландап, Самаркандга апасынын жанына көмүү керек экенин айтты. Бир нече жыл мурун президент Самаркандга барганда аялына аны апасынын жанына көмүүнү суранган экен. Эртең менен акыркы сапарга узатуу аземине катышуу үчүн аталган шаарга баруу керек болчу. Мен расмий кортежде баруучулардын катарында болбогондуктан эртең мененки саат 5:00дө аэропортко бардым. Ошол убакта Ташкенттин көчөлөрүнүн баары ыйлаган эл менен толуп туруптур. Саат 8:00 чамасында президенттин балалык чагы өткөн үйгө бардык. Ошол жерден президентке жаназа окулду. Андан кийин коштошуу аземи Өзбекстандын өкмөт мүчөлөрү, башка мамлекеттин башчыларынын катышуусунда Самарканддын форумдар мекемесинде уланды. Ошентип президент апасынын мүрзөсүнүн жанына жерге берилди”, - деп эстейт Таирова.

Автор: Жылдыз Джускембаева

14:33 28-08-2017

Жазылуу

РУБРИКАДАГЫ СОҢКУ КАБАРЛАР

15:47 2025-07-14 | Түркүн дүйнө

Футбол жылдызы Ямал туулган күнүндө эргежээлдерди жалдаган деп айыпталууда (видео) 183 0

15:32 2025-07-14 | Коом жана турмуш

Оштун мэри Көк-Жаңгакта салынган эки үйгө "эки дос" деген аталыш ыйгарды 274 0

15:18 2025-07-14 | Коом жана турмуш

Орунбеков: "Быйыл 32 жаңы медициналык имарат курулуп жатат" 154 0

15:04 2025-07-14 | Коом жана турмуш

Кара-Жыгач - Сары-Челек жолунун 6 чакырымы асфальтталат 209 0

15:00 2025-07-14 | Кылмыштар, кырсыктар

Ысык-Көлдө наркы 44 миллион сомдон ашык жер тилкелери мамлекетке алынды 183 0

14:50 2025-07-14 | Коом жана турмуш

Ош облустук балдар ооруканасынын жетекчиси кезек күтүүлөр боюнча түшүндүрмө берди 457 0

Архив

Комментарийлер (12)

Alixan-Nookat.2015

2017-08-28 15:20:39

Чыныгы президент эл башкара билген чыгаан инсан болчу жаткан жери жайлуу болсун!

+15

Ayida

2017-08-28 15:25:49

Канча адамды сыздаткан деп укканмын.Молдолорду чакырып алдап туруп турмого каматкан деп укканмын.Анан олор алдында молдо керек болуптур го ошол учун молдого тил тийгизбегиле

bazar

2017-08-28 15:36:37

Ayida,молдо болсо эле эмне кудайдын эрке баласыбы? Молдолоруң деле кылмыш кылып жүрүшөт. Динди жамынган ислам фанатистери Өзбекстандын мамлекеттик түзүлүшүн кулатып халифат курабыз деп жүрүшөт кой терисин жамынган карышкырлар. Каримов ошолорду тыйды, камады.

+15

Ayida

2017-08-28 15:38:29

bazar,Сен ойлогон молдонун атын жамынгандар болок. Сен олсон да ошол молдо окуйт жаназа

bazar

2017-08-28 15:42:37

Ayida, молдо окуганын жакшы билем. Эмне молдо экен деп унчукпаш керекпи?

jbolotov

2017-08-28 19:47:50

bazar,Билбей эле суйлой бербечи, Каримов акыркы жылдары Кыргызстандын Аксы аймактарына аскерлерин киргизип согуш чыкмакчы болуп калганда Аллах озу аны алды окшойт. Андижан окуясы деген бар, ото коп адамдарды аттырып салган дешет, каалаганын кылган бул адам олордо молдону чакыртып алган экенда.

bazar

2017-08-29 10:40:21

jbolotov,төө десе бээ дейсин да. Анжиян окуясынын темага кандай тийешеси бар?

-2

Ayida

2017-08-28 15:38:53

Билип билбей тил тийгизбе.

admin_superstan

2017-08-28 15:40:18

rios.07, флудга жол берилбейт. Эскертүү сызыгы толгон, Түбөлүк БАН!

Leilektik

2017-08-29 05:12:18

admin_superstan,эскертуу сызыгы канча жолу эскертуу бергенде толот жооп берип койоаласыздарбы?

admin_superstan

2017-08-29 09:20:40

Leilektik, саламатсызбы! 5 жолу эскертүү берилип, деңгээл көтөрүлсө Түбөлүк БАНга кетет.

aibars

2017-08-28 19:00:20

Олгон адамды жон койгулачы, кандай адам болсода Аллахтын алдында озу жооп берет, жаткан жери жайлуу болсун.

Комментарий калтыруу үчүн өз ысымыңыз менен кириңиз же каттоодон өтүңүз.