Парламенттин дагы бир комитети маданият министри кызматына Султан Жумагуловдун талапкерлигин колдоду

Бүгүн, 31-октябрда Жогорку Кеңештин тийиштүү комитетинде маданият, маалымат жана туризм министри кызматына Султан Жумагуловдун талапкерлиги каралды.

Анын талапкерлиги менен вице-премье-министр Чолпон Султанбекова тааныштырды.

Жыйынтыгында Конституциялык мыйзамдар, мамлекеттик түзүлүш, сот-укуктук маселелер жана Жогорку Кеңештин Регламенти боюнча комитетинде Жумагуловдун талапкерлиги жактырылды.

Белгилей кетсек, 28-октябрда Түгөлбай Казаков маданият, маалымат жана туризм министри кызматынан бошотулган.

Маданият министри кызматына сунушталган Султан Жумагулов Кыргыздагы белгилүү журналист, мурун "Азаттык" радиосунун, ЭлТР жана КТРК телеканалынын жетекчи кызматтарында иштеп келген.

Автор: Жылдыз Джускембаева