Дастан Бекешев: "Кыргызстанга 4 вице-премьер-министрдин кереги жок"

“Кыргызстан сыяктуу кичинекей өлкөгө 4 вице-премьер-министрдин эмне кереги бар?”- деди депутат Дастан Бекешев бүгүн, 6-июнда ЖКнын жыйынында. Айтымында, мамлекетте кадрдык саясат жакшы жүргүзүлүшү керек. “Биздин өлкөгө 4 вице-премьер-министрдин кереги жок. Бирөө эч нерсе кылбай отурса, бири болсо өзүнүн компаниясынын кызыкчылыктарын көздөп отурат. Эл ким кандай байып жатканын билет. Жаңы эле шайланган аткаминер өзүнө дароо Лексус үлгүсүндөгү унаа алат”,- деди эл өкүлү.