Өзбекстан футзал боюнча Азия чемпиондугунда 3-орунду ээледи

Бүгүн, 11-февралда Кытайдын Тайбэй шаарында өтүп жаткан футзал боюнча Азия чемпиондугунда Өзбекстан курама командасы 3-орунду багындырды.

Аталган мелдештин 3-орунга үчүн болгон беттешинде Өзбекстан курама командасы Ирак менен кез келди. Анда эсеп санын Өзбекстан курама командасы 2-мүнөттө Даврон Чориевдин голу менен ачты. Буга Ирак курама командасы 14-мүнөттө Заид Алинин голу менен жооп кайтарды.

2-таймдын алгачкы мүнөтүндө Ирак курамасынын оюнчусу Валид Халид эсеп санын 2:1 кылса, 2 мүнөттөн кийин Салим Файсал эсепти 3:1 кылып командасын алдыга чыгарды. Буга өзбек футзалчылары 25-мүнөттө Артур Юнусовдун жана 27-мүнөттө Илимжон Хамроевдин голу менен жооп берди. Беттештин 34-мүнөтүндө ирактык футзалчылар эсепти 4:3 кылып кайра алдыга чыкса, оюндун акыркы мүнөтүндө өзбек футзалчылар эсепти 4:4 кылганга үлгүрдү.

Муну менен оюндун негизги убактысы 4:4 эсеби менен аяктап, командалар пенальти сериясын аткармай болду. Анын жыйынтыгында 2:3 эсеби менен Өзбек курама командасы жеңишке жетип, Азия чемпиондугунда 3-орунду камсыз кылды.

Азия чемпиондугунун финалдык беттеши, бүгүн, 11-февралда Бишкек убактысы боюнча саат 17:00дө старт алмакчы. Финалдык таймашта Япония курама командасы менен Иран курама командасы кездешет.

Айта кетсек, Кыргыз курама командасы Азия чемпиондугунун тайпалык баскычында алгач Ливан курамасы менен кез келип, 2:2 эсеби менен жыйынтыктаган. 2-беттеште Кыргыз футзалчылар Иордания менен ойноп, 3:1 эсебинде утуп алган. Тайпалык баскычтагы чечүүчү беттеште Кыргыз спортчулары Таиланд менен беттешип, 1:8 эсебинде жеңилүү ызасын тарткан.

Автор: Нурсултан Нурболот уулу

16:28 11-02-2018

Жазылуу

РУБРИКАДАГЫ СОҢКУ КАБАРЛАР

00:51 2025-05-15 | Түркүн дүйнө

Франциядагы зоопаркка чагылган тийип, 13 киши жабыркады 88 0

00:22 2025-05-15 | Түркүн дүйнө

Жаңы Рим папасы согушуп жаткан өлкөлөрдүн лидерлерин сүйлөшүүгө чакырды 152 0

23:42 2025-05-14 | Түркүн дүйнө

Эрдоган Трамптын чечими башка өлкөлөр үчүн үлгү болорун айтты 433 0

23:05 2025-05-14 | Саясат

Депутат Токтошев Акылбек Жапаров убадасын аткарбай кеткенин айтты (видео) 436 0

22:35 2025-05-14 | Коом жана турмуш

Баткен шаарында асфальт-бетон чыгарган завод ачылат 319 0

22:13 2025-05-14 | Саясат

Мирлан Самыйкожо өлкө тарыхында биринчи жолу боло турган жаңылык айтты (видео) 1900 0

Архив

Комментарийлер (11)

tima01

2018-02-11 16:31:46

Молодцы

-3

atanazarov10

2018-02-11 16:34:23

Bizdikiler naak tyrbaibu anda

Omuur94

2018-02-11 18:00:59

Мотивация жок да мамлекет тараптан

arawan

2018-02-11 18:22:22

азиядан озбектер з орун болду казактар болсо эвропадан россия испания португалия командалары мн тен тайлашып эвропадан 4 орун болушту 3 4 ко россиядан 1:0эле женилди а бизчи

nurgaz

2018-02-11 18:33:28

Биздин озбекстанга жетиш кайда. Озбекстан бокс боюнча олимпияда оюндарында 1орунду алган. Моюнга алуу керек, кучтуу мамлекет.

Dalil

2018-02-11 21:09:56

Кут болсун өзбек туугандар жеңишиңер.

Azatbek83

2018-02-11 21:28:35

Dalil,Алар кандайча туугандарын болот?!Ашанын командасы тууган десе тууган дей бересинби?!Бизге алар тууган эмес!Биз Кыргыз Кыргызга бири бирибизге тууганбыз.Казак Каракалпактарга бир аз тууган болуп кетебиз.

-4

muni.98-98

2018-02-11 22:47:23

Azatbek83, Мусулманга мусулман бир тууган деген ПАЙГАМБАР. Сиз деле мусулман адам болсонуз керек деп ойлойм

Dalil

2018-02-11 23:38:00

Azatbek83, биринчиден мусулман мусулманга тууган. Экинчиден качанга чейин кошуна мамлекет эли бири бирибиз менен душмандай мамиле кылабыз. Албетте жогорудагылардын орой мамилесиден биз карапайым калк жабыр тартабыз. Хадисте айтылат жакшы айта албасаң жаман сүйлөбө деп.

maratbek88.88

2018-02-11 21:47:29

Туугандар куучту чыкты футбол боюнча Азия чемпиону болушту бийил и дагы Футзал бойунча 3 орунду алыптыр базар жок биздикилер чемпион болбосода ФИФА 2022 ге Катышса сонун болмок

Bek_L

2018-02-12 00:15:15

Ичи тарлык, коралбастык кылбайлы! Молодцы! аракеттери менен ийгиликке жетишип атат. Озубуздун колубуздан эч нерсе келбегенден кийин, "кысчу" жерди кысалы.

Комментарий калтыруу үчүн өз ысымыңыз менен кириңиз же каттоодон өтүңүз.