Бишкекте апасы менен жолдон өтүп бара жаткан кызды учура сүзгөн унаанын айдоочусу кармалды

Бишкек шаарынын Ахунбаев жана Абай көчөлөрүнүн кесилишинде жолдон апасы менен өтүп бара жаткан кызды сүзүп кеткен унаанын айдоочусу кармалды. Бул тууралуу бүгүн, 21-мартта Жол кыймылынын коопсуздугун камсыздоо башкы башкармалыгынын басма сөз кызматынан билдиришти.

Маалыматка караганда, унаа Бишкек шаарындагы унаа оңдоочу жайлардын биринен табылган.

"Жол кырсыгына кабылганы байкалган белгилери менен 19-март күнү ВАЗ-21150 үлгүсүндөгү унаа табылган. Жүргүзүлгөн ыкчам-иликтөөнүн алкагында унааны жол кырсыгы болгон күнү 32 жаштагы Б.А. аттуу жаран айдап жүргөнү аныкталып кармалган. Ал унааны буга чейин ижарага алып айдап жүргөнүн, жол кырсыгы болгон учурда апасы кызы менен жолду туура эмес жерден кесип өтүүгө аракет кылышып чуркап чыга калганын айткан. Шектүү жабырлануучуларды Бишкек шаарынын Жал кичи районундагы ооруканага жеткирип, андан кийин унааны ээсине кайтарып бергени кетип калган", - деп билдиришти басма сөз кызматынан.

Эске салсак, 19-февралда саат 17:00дөр чамасында Бишкек шаарынын Ахунбаев жана Абай көчөлөрүнүн кесилишинде жол кырсыгы катталган. Анда жолдон апасы жетелеп өтүп бара жаткан наристе кызды унаа бир нече метр аралыкка ыргыта сүзгөн. Жол кырсыгынын кандай болгону видеого түшүп калган. Ал эми кыздын атасы Ырысбек Шаршеев кызы жаракат албаганын, аялынын абалы да жакшы экенин жана эч кимге доо арызы жок экенин билдирген.

Автор: Айнуска Жороканова
Фото: Басма сөз кызматы

11:52 21-03-2018

Жазылуу

РУБРИКАДАГЫ СОҢКУ КАБАРЛАР

20:49 2025-06-18 | Коом жана турмуш

Эсиңизде болсун! Бишкекте 11 автобустун каттамы убактылуу өзгөрдү (схема) 164 0

20:11 2025-06-18 | Түркүн дүйнө

Израил Тегерандын түндүк-батышындагы аэропортко чабуул жасады 873 0

19:53 2025-06-18 | Коом жана турмуш

Жети-Өгүздө милиция кызматкерлери адашкан туристтерге жардам көрсөтүштү 272 0

19:16 2025-06-18 | Түркүн дүйнө

Иран президенти Катардын эмирине кат жолдоду 1980 0

18:46 2025-06-18 | Түркүн дүйнө

Шерзат Болаттын үйүнүн өрттөлүшү: Министр иликтөөнүн жүрүшү жөнүндө айтты 885 0

18:15 2025-06-18 | Түркүн дүйнө

Газада акыркы 24 саатта 140тан ашык киши набыт болду 809 0

Архив

Комментарийлер (5)

Paol

2018-03-21 13:07:23

Ушул убака чейин журогу чыдап кантип качып журду десен

-3

aman0296

2018-03-21 13:22:44

Атайын сузгон жокта. Апасы менен келишип алган

Arman7

2018-03-23 05:31:29

aman0296,Эн туура жазгансын мен дагы ошентип ойлойм корунуп туратго оздору чыга калышканы

abusait

2018-03-21 13:36:10

Оздору туура эмес жерден чуркап чыгышкан. Айдоочуну саан уйдай саашат эми.

nurhan2702

2018-03-24 14:05:23

Видеосун баарыбыз эле кордук. Туура эмес жерден оздору чыга калган, ошону учун доо арыз жазбады да. Айдоочуларды эле куноолой бербей жоо жургунчулор абайласак жакшы болмок. Азыр адамдар машинадан коркпойт, тескерисинче машина адамдан коркуп айланып отот

Комментарий калтыруу үчүн өз ысымыңыз менен кириңиз же каттоодон өтүңүз.