Бишкекте залкар жазуучунун 90 жылдыгына арналган "Айтматов жана музыка" аталышындагы кече өтөт

Бишкекте залкар жазуучу Чыңгыз Айтматовдун 90 жылдыгына арналган "Айтматов жана музыка" аталышындагы кече өтөт. Бул тууралуу Маданият, маалымат жана туризм министрлигинин басма сөз катчысы кабарлады.

Маалым болгондой, концерт 30-апрель күнү аталган министрликтин колдоосу менен өтөт.

"Концертте кыргыз композиторлорунун Айтматовдун чыгармаларынын негизинде жаралган чыгармалары жана Кыргыз Республикасынын белгилүү ырчы, аткаруучуларынын обондуу ырлары жаңырат", - дейт басма сөз катчы.

Ошондой эле А.Жумакматов атындагы академиялык-симфониялык оркестрдын солисттери, дирижёру, көркөм жетекчиси жана башкалар да катыша турганын кошумчалап өттү.

Автор: Наргиза Талантбекова