Таң эрте катарга тизилген эл, кечиримдүүлүккө, сабырдуулукка чакырган баяндар. Бишкектеги Айт намаздан фоторепортаж

Шаар тургундары аянтка саат 05:30да келе башташты

Айт намаз башталганга чейин эле аянтка эл батпай калды

Мурдагы акыйкатчы Турсунбек Акун жана дин аалымдары

Жогорку Кеңештин төрагасы, шаар мэри жана муфтий аянтка чогуу келишти

Жогорку Кеңештин төрагасы Дастанбек Жумабеков өлкө башчысынын жана өзүнүн атынан сөз сүйлөдү

Айт намаз башталды

Алакан жайып, бата кылуу учуру

Баян окуган дин өкүлдөрү тургундарды кечиримдүүлүккө, сабырдуулукка чакырды

Аянтка батпагандар бак-дарактын арасынан орун алышты

Милиция коопсуздукту көзөмөлдөөдө

Бүгүн, 15-июнда өлкөдө Орозо айт майрамында Айт намазы окулду. Шаар тургундары эски аянтка таңкы саат 05:30да келе баштады. Милиция күчөтүлгөн тартипте иш алып барып, ар бир жаранды атайын жабдуу менен дыкат текшерип жатты.

Намаз башталганга чейин эле эл аянтка батпай, көчөлөрдөн орун ала башташты. Намазга жыгылуу саат 07:30да башталды. Бул убакка чейин дин аалымдары баян айтышты. Саат 07:15те Жогорку Кеңештин төрагасы Дастанбек Жумабеков алгач президент Сооронбай Жээнбековдун куттуктоосун окуп берип, андан кийин өзүнүн атынан сүйлөдү. Андан соң шаар башчысы Албек Ибраимов сөз сүйлөп, муфтий Максатбек Токтомушев баян айтып, элди кечиримдүү болууга чакырды.

"Бирөөнүн укугун тебелеп жашабайлы, бирөөгө жамандык кылбай жашайлы, жылдын калган 11 айында дагы Орозо айында жашагандай жашайлы. Сабырдуу, кечиримдүү бололу", - деди муфтий.

Аянтка батпагандар бактын арасы, жолдорго чейин тизилип намазга жыгылышты.
Айт намаз саат 08:01де аяктап, намазга келгендер бири-бирин куттукташты. Алдыңкы катардагылар муфтий менен кол алышып учурашты.

Аянтка орто эсеп менен алганда 30 миңден ашык адам келди. 1 жарым миңден ашык милиция кызматкери коопсуздукту көзөмөлдөштү.

Айт намазын окуу үчүн 30 миңдей адам эски аянтка агылды

Автор: Сталбек Абдижалил уулу
Фото: Сталбек Абдижалил уулу

23:57 15-06-2018

Жазылуу

РУБРИКАДАГЫ СОҢКУ КАБАРЛАР

17:51 2025-07-26 | Коом жана турмуш

"Кечирип коюңуз, шеп". Балыкчынын мурдагы мэри президеттин ишенимин аткара албаганын айтты (видео) 120 0

17:21 2025-07-26 | Коом жана турмуш

Супер фактылар: Венеция – суунун үстүндөгү сырдуу шаар 499 0

16:58 2025-07-26 | Коом жана турмуш

Айыл чарба министрлиги Кызыл-Суунун тургундарынын көйгөйү боюнча билдирүү жасады 206 0

16:32 2025-07-26 | Коом жана турмуш

Бишкекте "Мыкты шырдакчы" сынагы өтүп жатат (фото) 159 0

15:59 2025-07-26 | Түркүн дүйнө

Боёнгонду жактырбайт. Дүйнө жүзүнө таанымал Кендалл Женнер жөнүндө фактылар 1727 0

15:35 2025-07-26 | Түркүн дүйнө

Трамп ХАМАС кыймылы келишим түзүүнү каалабай турганын айтты 463 0

Архив

Комментарийлер (7)

evidens

2018-06-15 10:48:21

Машаллах.Айтыныз маарек болсун урматту Кыргыз элим, жалпы мусулман бир туугандарым.Аллахым окуган намазыныздарды жана орозонуздарды кабыл кылган болсун.Аллахым ар бир уйго тынчтык, береке,ыйман жана жакшылыктарды ыроолосун,оорулууларга ден соолук,баласыздарга бала,жубайы жокторго эки дуйнолук бактылуулукту берсин.Кыргыз элим тынч болсун.Сапарда жургон мигрант бир туугандарды эсен аман эл жерибизге барышыбызды насип кыл.Оомийн!!!

+13

Zainidin96

2018-06-15 11:49:29

evidens,Оомийн

salihalady

2018-06-15 12:35:24

evidens,Айтканың келсин,оомиин!

Safiya91

2018-06-15 10:55:12

Жалпы Кыргыз элим орозо айт майрамынар куттуу болсун! Аллахым орозо айтында арзуу кылган максаттарынарды, тилеген тилегинерди, ниеттеринерди кабыл кылган болсун.

+12

Zainidin96

2018-06-15 11:48:20

Айтыныздар мубарак болсун,Жараткан билип билбей кетирген куноолорубузду кечирсин ИншАллах

kilim

2018-06-15 13:40:10

Айтыныздар маарек болсун

Snejana

2018-06-15 18:44:31

Дрондун жардамы менен дагы суротко тартып койсо, сонун болмок экен.

Комментарий калтыруу үчүн өз ысымыңыз менен кириңиз же каттоодон өтүңүз.