2-июлга караган түнү Орусияда өтүп жаткан футбол боюнча Дүйнө чемпиондугунун плей-офф баскычы уланат. Анда "Төмөнкү Новгород" стадионунда Хорватия-Дания командалары чейрек финалга чыгуу үчүн күч сынашат. Беттештин башкы калысы аргентиналык Нестор Питана болмокчу.
Буга чейин чейрек финалга Франция, Уругвай жана Орусия курамалары өткөн.
23:48. Хорватия курамасынын тизмеси:
- Дарбазачы: Даниел Субашич ("Монако", Франция).
- Коргоочулар: Домагой Вида ("Бешикташ", Түркия), Иван Стринич ("Сампдория", Италия), Деян Ловрен ("Ливерпуль", Англия), Шиме Врсалько ("Атлетико", Испания).
- Жарым коргоочулар: Лука Модрич ("Реал Мадрид", Испания), Иван Ракитич ("Барселона", Испания), Марцело Брозович ("Интер", Италия)
- Чабуулчулар: Марио Манжукич ("Ювентус", Италия), Иван Перишич ("Интер", Италия), Никола Калинич ("Милан", Италия), Анте Ребич ("Айнтрахт", Германия).
- Башкы машыктыруучу: Анте Чачич, Златко Далич (Хорватия).
23:50. Дания курамасынын тизмеси:
- Дарбазачылар: Каспер Шмейхель ("Лестер" Англия).
- Коргоочулар: Кристенсен ("Челси", Англия), Хенрик Далсгор ("Брентфорд", Англия), Йонас Кнудсен("Ипсвич", Англия), Матиас Йоргенсен ("Хаддерсфилд Таун", Англия), Симон Кьер ("Севилья", Испания);
- Жарым коргоочулар: Кристиан Эриксен ("Тоттенхэм", Англия), Дамьен Делейни ("Вердер", Германия).
- Чабуулчулар: Андреас Корнелиус ("Аталанта", Италия), Мартин Брайтвайт ("Бордо", Франция), Юссуф Поульсен ("РБ Лейпциг", Германия).
- Башкы машыктыруучу: Оге Харейде (Норвегия).
23:53. Командалар оюн талаасына чыгып, алгач Хорватиянын гимни жаңырат.
23:56. Даниянын гимни жаңырып, командалар беттешти баштоого даяр.
00:00. Калыстын ышкырыгы жаңырып, беттеш башталды.
00:01. Г-о-о-о-л! Эсеп 0:1. Алгачкы мүнөттөрдөн Дания курамасы алыскы аралыктан сокку узатып дарбазачыга тосуп алууга мүмкүнчүлүк берген жок.
00:03.Го-о-о-л! Марио Манжукич айып аянтчанын ичинен топту алып, таамай сокку менен эсепти тең кылды. Эсеп 1:1
00:05. Хорватия курамасы топко ээлик кылып, чабуулун улантууда.
00:07. Шиме Врсалько айып аянтчага чыгарып берүү жасаган, бирок өнөктөштөрү бул топко жеткен жок.
00:09. Матиас Йоргенсен эреже бузуп, Хорватия кооптуу айып сокку аткарат.
00:10. Иван Перишич кубаттуу соккусу менен коргоочуларга тийип, топ оюн талаасынан чыгып кетти. Хорватия топту бурчтан чыгарат.
00:11. Лука Модрич аткарган бурчтан чыгаруу ийгиликсиз болду. Топко хорватиялыктар жетпей калды.
00:15. 15 мүнөттүк беттештин жүрүшүндө Хорватия курамасы топко 60 пайыз көзөмөл кылууда.
00:17. Хорватиялыктар позициялык чабуулдарды аткарса, Дания курамасы контр-чабуулдар менен ойноодо.
00:18. Перешич сол канаттан айып аянтчага кирип келип сокку узатканга үлгүрдү. Бирок соккуну коргоочулар тосуп калды.
00:19. Соккулар боюнча статистикада 4:1 эсеби менен Хорватия курамасы алдыда.
00:22. Кристиан Эриксен алыстан сокку узатып, анын соккусун коргоочу тосуп калды.
00:25. Мартин Брайтвайт айып аянтчага кирип келип, кооптуу абал жаратты. 4 метр аралыктан узаткан соккусун Субашич кайтарганга жетишти.
00:27. Шмейхель Иван Перишич алыстан узаткан соккуну кайтарып, андан соң Ребичтин соккусун кайтарганга жетишти.
00:29. Андреас Корнелиус айып аянтчанын ичинен ага узатылган топко жетишпей калды. Топ коргоочу оюн талаасынан чыгарып салды.
00:32. Иван Стринич атаандашынын коргоочусу менен түртүшүп, айып аянтчага кирип келген. Бирок калыс эреже бузууну байкап чабуулду токтотту.
00:35. Ракитичке каршы оюн эрежеси бузулуп, Хорватия чабуулун улантат.
00:36. Кайрадан хорватиялык футболчуга каршы оюн эрежеси бузулду. Модрич айып соккуну аткарат.
00:37. Модрич айып аянтчага топту чыгарып берген. Аны Ловрен башы менен дарбазага багыттап, бирок таамай боло албай калды.
00:38. Топко көзөмөл кылуу боюнча көрсөткүч: Хорватия - 58 пайыз, Дания - 42 пайыз.
00:41. Эриксен абалды курчутуп, айып аянтчага топту көтөрүп берди, бирок ага өнөктөштөрү жетпей калды.
00:42. Иван Ракитич айып аянтчанын сыртынан өнөктөшүнүн чыгарып берүүсүн дароо соккуга айлантты. Топ таамай барып, аны Шмейхель тосуп алды.
00:43. Манжукич медициналык жардам алып, оюн убактылуу токтоп калды.
00:45. 1-таймдын негизги убактысы аяктап, калыс 1 мүнөт кошуп берди.
00:46. Калыстын ышкырыгы жаңырып, 1-тайм аяктады.
01:02. Калыс 2-таймга старт берди.
01:03. Дания курамасында алмаштыруу орун алды. Анда Лассе Шоне Андреас Кристенсендин ордуна оюнга кошулду.
01:06. Марио Манжукин офсайд абалында болуп, калыс хорватиянын кооптуу чабуулун токтотту.
01:10. Хорватиялыктар атаандашын жогорку кысымга алып, чабуулга чыкканга мүмкүнчүлүк бербей жатат.
01:12. Мартин Брайтвайт айып аянтчадан топту алып, сокку узатты. Анын соккусу бир топ таамай болбой калды.
01:15. Беттештин ылдамдыгы бир топ жайлап, командалар кооптуу абалдарды жаратпай жатышат.
01:18. Дания курамасы кыска пас алмашуу аркылуу чабуулга чыгууда.
01:21. Анте Ребич мыкты сокку узатып, коргоочулар аны араң кайтарганга үлгүрдү.
01:22. Дания курамасында алмаштыруу орун алды. Николай Йоргенсен Андреас Корнелиустун ордуна оюнга кошулду.
01:27. Хорватия курамасында алмаштыруу орун алды. Марцело Брозович оюн талаасынан кетип, оюнга Златко Далич кошулду.
01:28. Даниянын оюнчулары атаандашынын айып аянтчасына кирип келип, Николай Йоргенсен топту тосуп, дароо сокку узатты. Бирок Субашич топту тосуп алганга жетишти.
01:33. Лука Модрич алыскы аралыктан сокку узатып, бирок таамай болбой калды. Топ дарбазадан алыс өттү.
01:36. Хорватия курамасы оюнчу алмаштырды. Йосип Пиварич жаракат алып калган Иван Стриничтин ордуна чыкты.
01:38. Оюн убактылуу токтотулду. Матео Ковачич атаандашы менен топ талашууда жыгылып, жеңил жаракат алып калды.
01:40. Иван Перишич айып аянтчага көтөрүлгөн топту дароо дарбазага багыттап таамай болбой калды. Топ дарбазадан бир аз жогору өттү.
01:43. Лассе Шоне алыскы аралыктан сокку узатып таамай болбой калды.
01:47. Беттештин негизги убактысы жыйынтыкталып, калыс 3 мүнөт кошуп берди.
01:48. Ракитич айып аянтчанын сыртынан сокку узатып, бирок таамай болбой калды.
01:49. Беттештин акыркы мүнөтүндө Дания курамасы топту бурчтан чыгаруу мүмкүнчүлүгүн алып, аны менен ийгиликтүү колдоно албай калды.
01:50. Калыстын ышкырыгы жаңырып, командалар кошумча 2 таймда күч сынашат.
01:56. Калыс 1-кошумча таймга старт берди.
01:58. Йоргенсендин айып аянтчанын сыртынан узаткан соккусу коргоочуларга тийип оюн талаасынан чыгып кетти. Даниялыктар чабуулун улантмакчы.
02:00. Кнудсен айып аянтчага кирип келип өнөктөштөрүнө топту чыгарып берүү аракетин көргөн, бирок топ коргоочуга тийип оюн талаасынан чыгып кетти.
02:01. Даниялыктар топту бурчтан чыгарып, аны ийгиликтүү колдоно алган жок.
02:02. Хорватиялыктар оюнчусун алмаштырды. Андрей Крамарич Иван Перишичтин ордуна чыкты.
02:03. Дания курамасында дагы алмаштыруу орун алды. Микаэль Крон-Дели оюн талаасына Томас Делэйнинин ордуна чыкты.
02:05. Соккулар боюнча статистикага көңүл бурсак, Хорватия 18 сокку узатса, Дания 13 сокку узатканга үлгүргөн.
02:12. Калыстын ышкырыгы жаңырып 1-кошумча тайм жыйынтыкталды.
02:15. Командалар бир аз эс алып, 2-кошумча тайм старт алды.
02:16. Дания курамасы алмаштыруу аткарды. Мартин Брайтвайттын ордуна Пионе Систо чыкты.
02:17. Систо айып аянтчанын сол бурчунан сокку узатып, сокку бир аз таамай болбой калды. Топ хорватиялыктарда.
02:18. Хорватия курамасында дагы алмаштыруу өткөрүлдү. Марио Манжукичти Милан Бадель алмаштырды.
02:24. Даниянын дарбазасына пенальти аткарылат. Йоргенсен Анте Ребичти айып аянтчанын ичинен эреже бузуу менен токтотуп, калыс 11 метрлик сокку узатуу мүмкүнчүлүгүн хорватиялыктарга берди. Матиас Йоргенсен сары айып кагазы менен белгиленди.
02:25. Пенальтини Модрич аткарат.
02:26. Лука Модричтин соккусун Каспер Шмейхель тосуп алганга жетишип командасын сактап калды.
02:31. Калыстын ышкырыгы жаңырып, командалар жеңүүчүнү пенальтилер сериясында аныктайт.
02:34. Пенальтилер сериясын Дания курамасы баштайт.
02:35. Эриксендин соккусу дарбазадагы штангага тийип калды.
02:36. Каспер Шмейхель дагы бир жолу пенальтини кайтарды. Соккуну Милан Бадель аткарган.
02:37. Симон Кьер кубаттуу сокку менен командасынын алгачкы голун киргизди. Эсеп 1:0
02:38 Крамарич гол киргизип эсепти 1:1 кылды.
02:39. Фрон-Дели дарбазанын сол бурчуна багыттап эсепти 2:1 кылды.
02:40. Лука Модрич бул ирет голду киргизди. Эсеп 2:2.
02:41. Лассе Шоненин соккусун Субашич тосуп алды. Эсеп 2:2.
02:42. Каспер Шмейхель 3-пенальтини кайтара алды. Бул соккуну Стринич аткарган.
02:43. Йоргенсендин соккусун Субашич кайтара алды. Эсеп дагы эле 2:2.
02:44. Ракитич пенальтини мыкты аткарып, командасына жеңиш алып келди.
02:45. Бул жеңиш менен Хорватия чейрек финалга чыгып, анда Орусия курамасы менен беттешет.
