"Негизсиз айыптоолор". Социалдык өнүктүрүү министрлиги Аида Касымалиевага жооп кайтарды

Эмгек жана социалдык өнүктүрүү министрлиги Жогорку Кеңештин депутаты Аида Касымалиеванын айыптоолоруна жооп берди.

Мекеменин маалыматы боюнча, 2017-жылдын 6-9-ноябрь күндөрү министрликтин башчысы жана 3 кызматкери Вашингтонго (АКШ) иш сапары менен барган.

"Анда алар "Инновациялар аркылуу туруктуу ишенимдин жетишкендиктери" аталышындагы глобалдык симпозиумга катышкан. Бул иш-чаранын максаты жаңы программалык камсыздоо менен тааныштыруу болгон. Бул программалык камсыздоо балдардын маалыматтар базасын колдонууда адамдык факторду жокко чыгарууга мүмкүнчүлүк берет жана бардык процесстердин ачык-айкындуулугун жогорулатат. Бул программаны түзгөн "Тайлер Техноложи" компаниясы Кыргыз Республикасы үчүн өзүнүн эмгегин акысыз берүүгө даяр. Кыргыз өлкөсүндө бул программаны колдонуу үчүн айрым мыйзамдарга өзгөртүү керек", - деп айтылат жоопто.

Мындан тышкары министрлик эл аралык бала багып алуу маселелери боюнча төмөнкүнү билдирди.

"АКШ тараптын суранычы боюнча, Мамлекеттик департаменттин өкүлдөрү менен жолугушууда эл аралык бала багып алуу менен алектенген америкалык агенттиктерди кайра аккредитациядан өткөрүү тууралуу кеп болгон. Бул процесс узакка созулуп кеткен болчу. Бул жолугушууда аккредитациялоо маселеси укук коргоо жана коопсуздук кызматы менен макулдашуу зарыл экени айтылган.

Аида Касымалиеванын "бул сапар балдарды сатуу - бала багып алуу боюнча абдан чуулуу темага байланыштуу" деген сөзү жалпы системди каралоо жана кызматкерлердин ар намысына шек келтирүү ниетин көрсөтүүдө. Ошондой эле депутат "сапар боюнча отчёт жок" дейт, бирок ал дал ошол отчётту көрсөтүүдө", - деп айтылат мекеменин жообунда.

Эске салсак, буга чейин 5-октябрда депутат Аида Касымалиева "Эмгек жана социалдык өнүктүрүү министрлиги тууралуу мен айткан маалыматтар тастыкталып жатат" деп социалдык баракчасына жазып чыккан.

Автор: Нургазы Аматов

09:36 08-10-2018

Жазылуу

РУБРИКАДАГЫ СОҢКУ КАБАРЛАР

15:58 2025-07-23 | Маданият, шоу-бизнес

Белгилүү ырчы Димаш Кудайберген хейтерлер тууралуу айтты 64 0

15:44 2025-07-23 | Маданият, шоу-бизнес

Канат Шабданбеков: "Бала кезде эле бизнесмен болчумун" 154 0

15:39 2025-07-23 | Саясат

Бишкектин мэрине туугандары эмнеге таарынат? (видео) 268 0

15:38 2025-07-23 | Коом жана турмуш

Бишкекте жүк ташыган унааларга чектөө коюлду 129 0

15:25 2025-07-23 | Түркүн дүйнө

Президенттер: Түркиянын лидери Эрдогандын футбол талаасынан президенттик такка чейинки жолу 271 0

15:20 2025-07-23 | Маданият, шоу-бизнес

Казак ырчысы Димаш Кудайберген эң жакшы көргөн кыргыз ырын атады 594 0

Архив

Комментарийлер (7)

nargiz-sa

2018-10-08 09:45:33

А эмнеге ошол моментте жооп кайтарбадынар экен? Айтылгандын бир чындыгы бар да

taalay25

2018-10-08 09:48:47

Бетин былтыйып бир аргументтуу жооп айта албадын го планердык жыйында. Эми пресс секретарына даярдатып коюп жооп кылып береби? Аида туура айтат. Ал жерде иттин олугу сасып жатканына коп болду

Erik2018

2018-10-08 09:57:54

Тийиштүү кызматтар тезинен чара көрбөсө болбой калды. Менимче азыр коррупция менен күрөш катуу жүрүүдо. Мындай чакта бул иштер тезинен эле ачыка чыгат деген ойдомун.

patiydin

2018-10-08 10:09:31

Ушул Президентибиз Бир жылдан бери башта болгон былыктарды тазалай албай койдуда. Озуно караштууларда бар окшойт алардын арасында.

Erik2018

2018-10-08 10:38:17

patiydin,ХХХХХХ Азыр абакта аткаминерлер жатат. Жемкорлордон бир топ эле тазаланып калдык.

-4

Natun

2018-10-08 10:29:04

Таалайкүл Исакунова да, Лунара Мамытова да экс-президент Алмазбек Атамбаевдин убагында дос-тааныштык принциптин негизинде кызматтарга отурушкан. “Саякатчы бакалар” негизинен 2017-жылы көп саякатташканы көрүнүп турат. Жардылыктын азабын тартышкан кедей-кембагалдардын, камкордуксуз наристелердин, майып-мунжулардын насиптерине саякаттаган, үй-бүлөлөрү менен шаан-шөкөттүү, берекелүү жашоо курган бул чиновник айымдар эски-бийлик тушунда каалаганын кылып, чалчактап турушкан.

Koichuman

2018-10-08 11:30:54

Аида Касымалиеванын иштегени жагатда！

Комментарий калтыруу үчүн өз ысымыңыз менен кириңиз же каттоодон өтүңүз.