Египет: Баш аламандыкта өлгөндөрдүн саны 42ге жетти

Египеттин жакында отставкага кетүүгө аргасыз болгон президенти Мухаммед Мурсинин тарапташтары өлкөнүн борборундагы Айн-Шамс районунан 2 аскерди уурдап кетишти. Бул тууралуу дүйшөмбү күнү "Al-Arabiya" телеканалы кабарлады. Буга чейин Мурсини колдогон "Мусулман бир туугандар" кыймылы өз тарапташтарын жана эл аралык коомчулукту Египеттеги окуяларга кайдыгер карабоого чакырган болчу. Жекшембиден дүйшөмбүгө караган түнү Каирдеги Республикалык гвардиянын штабынын жанында кагылышуу болуп, акыркы маалыматтар боюнча, 42 адам өлгөнү белгилүү болду.

Автор: Автандил Добулбеков