Баткен. Чек ара кызматкерлерине үй курулууда

Баткен облусунун Исфана шаарында 2021-чек ара бөлүгүнүн кызматкерлерине 16 батирлүү үй курулуп жатат. Бул тууралуу Исфана шаарынын мэри Ташполот Козубаев төмөнкүлөрдү билдирди:

"Учурда үйдүн пайдубалы тургузулуп, дубалы курулууда. Үйдүн курулушуна мамлекеттик бюджеттен 16 миллион сом каралып, анын 5 миллиону бөлүнүп берилди. Чек ара кызматкерлери үчүн курулуп жаткан үй ушул жылдын октябрь айына чейин бүтүп, колдонууга берилет”. Бул демилгеге чек арачылар да кубанып жаткан учур.

Автор: Бегайым Тажибай кызы