Бишкекте жана Чүй облусунун айрым жерлеринде электр жарыгы өчүрүлөт

11-июлда саат 9:00дөн 17:00гө чейин Бишкектеги Учкун кичи районунда жана 4-11-кичи райондордо электр жарыгы өчүрүлөт. Бул тууралуу “Түндүк электр” ишканасынын басма сөз кызматы билдирди. Бул күнү ушул эле мезгилдерде Чүй облусунун Москва районундагы Түлөк айылында, Жайыл районундагы Кара-Түп, Калдык айылдарында, Кара-Балта шаарынын Морозов, Матросов, Береговая, Тимирязев көчөлөрүндө да электр жарыгы өчүрүлөт. Электр энергиясынын убактылуу чектелүүсү электр тармактарындагы алдын алуу жана жогорку вольттогу “Түлөк” трансформатордук көмөк чордондорундагы оңдоо иштерине байланыштуу болмокчу.

Автор: Ширин Турдакунова