ЭЛДИК КАБАР: "Кара-Суунун "Туратали" базарындагы ыңгайсыздык качан жоюлат?" дейт окурман

Ош облусуна караштуу Кара-Суу районундагы "Туратали" базарынын айланасындагы баш аламандык айдоочуларга да жөө жүргүнчүлөргө да ыңгайсыздык жаратууда. Мындай абал базардын алдына жер алдындагы өтмөк куруудан улам жаралган. Бул маалыматты окурман "ЭЛДИК КАБАРга" билдирди.

"Курулуш иштери ушул жылдын жаз айларында башталган. Ишти баштаарда элдин ыңгайын эске алышкан эмес. Курулушту же эрте бүтүрүшпөйт же ошого жараша элдин жолун торобой тургандай ыңгайлуу шарт түзүшпөйт. Базардын алдын тосуп салгандыгынан улам ал жерде жайгашкан чайкана, кафелер иштебей калды. Унаалардын тыгыны мындан көп. Курулушту жүргүзүү үчүн 36 миллион сом бөлүнгөнүн угуп жатабыз. Каражат жетиштүү жумшалган соң эрте бүтүрүп, жолду ачышса дейбиз. Акыркы учурда иштеп жаткан курулушчуларды деле көрбөй калдык", - дейт окурман.

Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.

Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.

Автор: Гүлжан Асанкожоева