Самара Каримова 1 күн жетектеген Ош шаарындагы музыкалык окуу жайдын башчылыгына дайындалган Нурлан Каримов: "Моюнумда чоң жоопкерчилик турат"

Ош шаарындагы Ниязалы Борошев атындагы музыкалык окуу жайга Нурлан Каримов жетекчи болуп дайындалды. Бул тууралуу Ош шаардык маданият башкармалыгынан кабарланган.

Маалыматка ылайык, 39 жаштагы Нурлан Каримов 23-ноябрда жамаат менен тааныштырылды. SUPER.KG порталы окуу жайдын жаңы жетекчиси менен сүйлөшкөндө "Күнү-түнү иштей турган жер" экендигин айтты.

"Ооба, өткөн аптанын жума күнү жамаат менен тааныштым. Бүгүн мына жекшемби, азыр да ушул жерде иштеп жатам. Жума күндөн бери эле дем алыш экенине карабай иштөөгө туура келип жатат. Себеби өзүңүздөр билесиздер, буга чейин окуу жайдан өрт чыккан. Класстарда сабак өтүүгө мүмкүн эмес болуп калыптыр, капкара ыш. Бүгүн жатаканадагы айрым бөлмөлөр мурда сабак өткөн класс катары пайдаланылчу экен, ошолорду актап, оңдоп-түздөп жатабыз. Студенттерди убактылуу бул жакка көчүрүп турабыз.

Мындан тышкары окуу жайдын жаңы имаратынын архитектуралык долбоору түзүлгөн экен, бирок анын жанында май куюучу жай турат. Бул кооптуу да, мындан улам ал май куюучу жайды алдырабызбы, айтор кооптуулугун чечиш керек. Окуу жай чарба жагынан абдан аксайт экен, эшиктин кармагычтарынан тартып эмеректерге чейин эски, алмаштырууга муктаж. Эмеректер 70-80-жылдары берилген, музыкалык аспаптар эскиргени эскирип, күйгөнү күйүп кетиптир. Айтор абдан чоң жоопкерчилик моюнумда турганын билем", - деди ал.

Ошондой эле Каримов окуу жайда мугалимдер жана техникалык кызматкерлерди кошкондо жамаатта 100дөй киши эмгектенерин белгиледи. Жогоруда айтылган мүчүлүштүктөрдү жоюу үчүн бир катар мекемелерге кайрылууну пландап жатканын кошумчалады.

Нурлан Каримов буга чейин Ош шаардык маданият башкармалыгынын башчысынын орун басары кызматында иштеген.

Айта кетсек, буга чейин Ош шаарындагы Ниязалы Борошев атындагы Ош мамлекеттик музыкалык окуу жайына Кыргыз Республикасынын Эмгек сиңирген артисти Самара Каримова жетекчи болуп дайындалган. Буйрук ушул жылдын 24-октябрында чыгып, ал эмгек жамааты менен расмий түрдө тааныштырылган болчу. Бирок 1-ноябрда маданият маалымат жана туризм министри Азамат Жамангулов ал буйрук жокко чыгарылганын билдирген.

Автор: Кызжибек Раимова

07:31 26-11-2018

Жазылуу

РУБРИКАДАГЫ СОҢКУ КАБАРЛАР

23:40 2025-05-08 | Түркүн дүйнө

Жаңы Рим папасы шайланды 457 0

22:56 2025-05-08 | Саясат

Садыр Жапаров Жеңиш парадына катышуу үчүн Москвага барды 671 0

18:29 2025-05-08 | Маданият, шоу-бизнес

Рэпер Улукманапо кырк жылкылуу болду 788 0

18:25 2025-05-08 | Түркүн дүйнө

Молдовада депутаттар жыйынга баатырлардын портреттери менен келишти 997 0

18:09 2025-05-08 | Түркүн дүйнө

Москвада Путин менен Си Цзиньпин жолугушту 1183 0

17:42 2025-05-08 | Спорт

Намангандагы велоспорт мелдешинде кыргызстандык команда медаль утту 550 0

Архив

Комментарийлер (17)

monster_high_98

2018-11-25 11:11:43

Жон гана ошол жердин эмгеги синген мугалимдеринен дайындап коюу ушунчалык кыйынбы

izdeim_seni

2018-11-25 11:12:42

Каримова кетсе Каримов келиптир да. Орун алмашуудан сумма өзгөрбөйт))))

tynara81

2018-11-25 11:27:42

Самара Каримова 1 күн жетектеген .... деп кошуп кетиш керек экен да ээ. Сенсация үчүн керекпи... Жөн эле Н. Борошев атындагы окуу жайга директор дайындалды десе болбойбу...

+29

rejepova

2018-11-25 11:47:22

tynara81,туура айтасын,эми кайра кайра чукуп не кереги бар.

aman0296

2018-11-25 12:07:07

tynara81,жон эле Борошев атындагы десе , эл окубайт. Самаро хон десе эл окуйт имиш

Baku88

2018-11-25 11:28:41

Самара жакшы элесинби өзүнү карма эми Аскени жыгып алба. А жаңы жетекчиге баардык жагынан ийгилик каалайм

Respect.

2018-11-25 12:01:53

Тойгоздунар го, как будто 10 жыл жетектеп гүлдөтүп кеткенсип...

+11

madina.87

2018-11-25 12:21:30

Мына жетекчинин сөзү,ишинизге ийгилик каалайбыз жакшы иштеп бериниз эми

Alia82

2018-11-25 13:07:58

Баягы жалгаз уя деген ырдын клибиндеги кишиби

nur0202

2018-11-25 13:30:01

Иши кылса Каримовдор экен.Тууган эмеспи.

nelli

2018-11-25 19:02:32

Бул Самаштын агатайы эмеспи?

Shaa-82

2018-11-26 12:22:58

nelli, жок агатайы эмес Самаш Баткен тараптан болсо керек а бул Озгондун кулуну.

RusMos76

2018-11-26 07:34:15

Атайын издеп тапкандай го Аске.

adiaza

2018-11-26 08:28:24

Эми жанылык болсо эле Самара Каримова 1 кун отуруп кеткен, жатып кеткен, кармап кеткен деп жаза бересинерби, башында жакшы ырдайт деп ырларын укчу элем кийинки кундору кыжырым келе баштады атын уксам эле

Muzik

2018-11-26 10:11:04

Мен тааныйм бул кишини,кыйратпайт ,кайра Самара татыктуураак буга Караганда,коросунор го.

-7

admin_superstan

2018-11-26 10:36:50

barakcha, Boha1, Malik92, Azatbek.Svoboda.,
Порталдын ЖАЛПЫ ИШМЕРДҮҮЛҮГҮНӨ байланыштуу сын-пикирлер же сунуштар болсо portal@super.kg электрондук дарегине жазылып жөнөтүлүшү керек.
Azatbek.Svoboda.,
Кайталап эреже бузгандыгыңыз үчүн БАНга!

-2

Shaa-82

2018-11-26 12:24:23

Билбейм Самара айтыптыр эле гулдотуп иет элем деп а бирок бир да мындай кемчиликтери бар экен деп айтпаган экен. А бул кемчиликтерин айтып ондоону баштадык дептир эми ушул боюнча кетсего жакшы бут тосуулар болуп кетпесе эле.

Комментарий калтыруу үчүн өз ысымыңыз менен кириңиз же каттоодон өтүңүз.