ЖЫЛНААМА, 7-ДЕКАБРЬ: "Супер-Инфо" гезитинин негиздөөчүсү, экс-министр, Кыргыздын Кореядагы мурдагы элчиси Кылычбек Султан 43 жашка чыкты

Бүгүн, 7-декабрь эң көп нускалуу "Супер-Инфо" гезитинин жана SUPER.KG порталынын негиздөөчүсү, экс-министр, Кыргыз өлкөсүнүн Түштүк Кореядагы мурдагы элчиси Кылычбек Султандын туулган күнү.

Кылычбек Султан Камчыевич 1975-жылы 7-декабрда (документ боюнча 1976-жыл, 4-январь) Ош облусуна караштуу Өзгөн районундагы Мырза-Аке айылында туулган. Үй-бүлөлүү, 2 уул, 1 кыздын атасы. Электрондук эсептөөчү техникалардын өндүрүшү тармагы боюнча билим алган, финансы жана кредит бөлүмүндө экономист адистигине ээ болгон.

2002-жылы - “Супер-Инфо” гезитин негиздеген;

2002-2008-жылдары - "Супер-Инфо" гезитинин башкы редактору;

2005-жылдын ноябрь айында www.super.kg порталын негиздеген;

2008-2009-жылдары - ЭлТР телеканалынын башкы директорунун орун басары;

2009-2012-жылдары - "Компьютер-Пресс" жоопкерчилиги чектелген коомунун президенти;

2012-жылы - КТРКнын Байкоочу кеңешинин төрагасы;

2012-2013-жылдары - Кыргыз Республикасынын Социалдык өнүктүрүү министри;

2014-жылдын 20-ноябрынан 2016-жылдын 18-августуна чейин Кыргыздын Малайзиядагы атайын жана ыйгарым укуктуу элчиси;

2016-жылдын 5-декабрында өзгөчө тапшырмалар боюнча элчи - тышкы иштер министринин кеңешчиси болуп дайындалган.

2017-жылдын 28-октябрынан 2018-жылдын 12-октябрына чейин Кыргыздын Корея Республикасындагы атайын жана ыйгарым укуктуу элчиси болуп иштеген.

Сыйлык-наамдары:

2008-жылы - “Улуттук гезит” сыйлыгынын “Жылдын медиаменеджери” наамынын ээси болгон.