Бир айдан бери чуусу бүтпөгөн Кыргыз мамлекеттик циркинин директору болуп Фархад Бекманбетов дайындалды

Кыргыз циркинин директору болуп Фархад Бекманбетов дайындалды. Бул тууралуу SUPER.KG'ге маданият, маалымат жана туризм министри Азамат Жаманкулов кабарлады. Анын айтымында, Бекманбетов бүгүн, 24-январда цирктин эмгек жамаатына тааныштырылды.

"Кыргыз циркинин директорлугуна Фархад Бекманбетовду дайындап, азыр эмгек жамааты менен тааныштырдым. Анын директор болушуна каршы болуп жумуштан кетебиз деп жаткандар маселесин эми өздөрү чечет. Анткени жумуштан кетүү арызын мага жазып жатышканы туура эмес, директорго жазышы керек болчу", - деди Жаманкулов.

Кыргыз циркинин директорлугуна маданият, маалымат жана туризм министринин мурдагы орун басары Фархад Бекманбетовдун, Кыргыз циркинин артисти Аида Акматованын жана балетмейстер Зарылбек Молдобакировдун талапкерлиги сунушталган. Бирок эмгек жамаат Аида Акматованын гана дайындалышын талап кылып Ак Үй алдына митингге чыгышкан.

Цирктин мурдагы директору Курмангазы Исанаев ээлеген кызматынан 2018-жылдын 20-декабрында бошотулган. Анын кызматтан кетүүсүнө эмгек жамаат менен болгон пикир-келишпестик түрткү болгон. Кыргыз циркиндеги жетекчилик менен кызматкерлердин пикир келишпестиги 26-ноябрь күнү Жогорку Кеңештин комитетинде көтөрүлүп, циркти ижарага берүүдөгү жана билеттерди сатуудагы коррупция жана башка мыйзам бузуулар болгону айтылган. Биз маселенин чоо-жайын жазганбыз.

Автор: Жамалидин Парманкулов

07:31 25-01-2019

Жазылуу

РУБРИКАДАГЫ СОҢКУ КАБАРЛАР

13:19 2025-07-21 | Түркүн дүйнө

Адамдар куруп жаткан суу сактагычтар Жердин тең салмагын өзгөртүп жатат 494 0

13:03 2025-07-21 | Спорт

U-23: Кыргызстан-Оман беттеши тең чыгуу менен аяктады 248 0

12:27 2025-07-21 | Саясат

Жапаров менен Хурэлсухтун жолугушуусунда бир нече документтерге кол коюлду (тизме) 315 0

12:16 2025-07-21 | Коом жана турмуш

Кыргызстандын "Калкан" атайын багыттынын снайперлери Кытайдан байгелүү кайтышты 345 0

11:47 2025-07-21 | Кылмыштар, кырсыктар

Жалал-Абадда түштүктүн "смотрящийи" аталган жаран кармалды (видео) 1256 1

11:45 2025-07-21 | Бизнес-Инфо

Быйылкы жайда эмнелерди көрүшөт? Start онлайн-кинотеатры! Акысыз кошуп ал 153 0

Архив

Комментарийлер (4)

Asyl10

2019-01-24 13:44:38

Цирктин жамааты иштен кетсе, Фархад Бекмамбетов озу жангыз иштейби?Эмгек жамааттын да кызыкчылыгын ойлош керек болчу.Алар ким циркти алдыга суйроп кетээрине коздору жетип, анан Аида Акматованы сунушташкан болсо керек. Бекмамбетов менен жамаат иштеше албаса эмне болот? Бизде кадр тандоо "ноль" деген баага арзыйт. Коробуз Ф.Бекмамбетов циркти эмне кылаар экен? Балким ондоп жиберер,болбосо вообще жок кылат.

Dembele84

2019-01-24 15:04:40

Баарибир чондор оз каалаган кадрды алып келип коюптур да,жугуруп-жугуруп кала бериптир да кызматкерлер,качанга чейин ишетешет экен эми короорбуз.

arena2014

2019-01-24 15:08:35

Фаркаттын пулу коп окшойтта. Жаны министирди жаш экен жакшыле иштесе керек деп ойлодум эле корсо жебеген жердин астыда дегендей окшойт. Окунучтуу!!!

BarsBaatyr

2019-01-24 16:41:12

Бекманбетовдун циркке кандай тиешеси бар?

Комментарий калтыруу үчүн өз ысымыңыз менен кириңиз же каттоодон өтүңүз.