АКШдагы венесуэлалыктар "Вашингтон ички ишибизге кийлигишип жатат" деп көчөгө чыгышты

Хуан Гуайдо

Николас Мадуро

АКШдагы венесуэлалыктар "Вашингтон ички ишибизге кийлигишип жатат" деп көчөгө чыгышты. Бул тууралуу чет өлкөлүк басылмалар жазышууда.

Маалыматка караганда, ондогон венесуэлалыктар президент Николас Мадурону колдоп, АКШнын бир нече шаарынын көчөлөрүнө чыгышкан. Алар Вашингтонду өлкөнүн ички ишине кийлигишүүдө деп айыптап жатышат.

"Мындай акциялар Нью-Йорк, Вашингтон, Сан-Хос, Майами, Даллас, Питтсбург жана Миннеаполис шаарларында орун алды. Алар АКШны Венесуэладагы иштерге аскердик кийлигишүү жасап жатат деп айыптоодо", - деп жазылат маалыматта.

Николас Мадуронун бийлигин коррупция, диктатура жана өлкөдөгү жумушсуздукка айыптаган жүз миңден ашуун эл нааразычылык акциясына чыгышкан. Мадуро беш жылдан бери мамлекетти башкарып келе жаткан.

Буга чейин Венесуэладагы Улуттук оппозициянын лидери Хуан Гуайдо өзүн президент деп жарыялап, аны АКШ тааныган. Дүйнөлүк басылмалар Мадурону Орусия колдоп жатат деп да жазышууда.

Автор: Бектур Токтоноев