Бакай-Ата районундагы жатак-үйү теплица куруп берүүнү суранууда

Социалдык өнүктүрүү министри Кудайберген Базарбаев 20-июлда Талас облусунун Бакай-Ата районундагы жатак-үйдө иш сапары менен болду. Министр бул жайдын капиталдык оңдоодон өткөндөн кийинки абалы менен таанышты. Жолугушуунун жүрүшүндө жатак-үйдүн жетекчилиги аталган жердин 500 чарчы метрине теплица куруп берүүнү, ошондой эле 1963-жылы курулган жуунуучу жайды оңдоп берүүнү суранды. Министрлик билдиргендей, учурда мында 18 жаштан 55 жашка чейинки ден соолугунун мүмкүнчүлүгү чектелген 42 эркек жана 27 айым жашайт.

Автор: Ширин Жумадилова