Өкмөт бир катар акимдерди ээлеген кызматынан бошотууну сунуштады

Жергиликтүү мамлекеттик администрациялардын бир катар жетекчилерине сөгүш берилип, бир нече жетекчини кызматынан бошотуу сунушталды. Мындай сунушту вице-премьер-министри Кубатбек Боронов 15-февралда өкмөттүн жыйынында киргизди.

2018-жылда аймактарды өнүктүрүү иш-чараларынын алкагында пландалган иштер чала аткарылып, максатына жетпей калган. Ошол себептен төмөндөгү мамлекеттик администрация башчыларын ээлеген кызматынан бошотуу сунушталган.

- Чүй облусунун Москва районунун мамлекеттик администрация башчысы-аким Азамат Эсенбеков;

- Чүй облусунун Кемин районунун мамлекеттик администрация башчысы-аким Жумгалбек Дүйшебаев;

- Жалал-Абад облусунун Аксы районунун мамлекеттик администрация башчысы–аким Масалбек Мырзамамытов;

- Жалал-Абад облусунун Токтогул районунун мамлекеттик администрация башчысы–аким Майорбек Сатымкулов;

- Ысык-Көл облусунун Ак-Суу районунун мамлекеттик администрация башчысы–аким Улан Доконбаев;

- Ысык-Көл облусунун Тоң районунун мамлекеттик администрация башчысы–аким Таалайбек Ажиев;

- Жалал-Абад облусунун Ноокен районунун мамлекеттик администрация башчысынын биринчи орун басары Каныбек Камбаралиевди ээлеген кызматынан бошотуу сунушталды.

Автор: Наргиза Өмүрбек кызы