Таласта иске ууланган үй-бүлөнүн 4 жаштагы кызынын абалы оор болгондуктан Бишкекке жиберилди

Таласта иске ууланган үй-бүлөнүн 4 жаштагы кызы Бишкектеги Эне жана баланы коргоо борборуна жөнөтүлдү. Анын абалы оор жана эсине келе элек. Бул тууралуу Талас облустук оорукананын директору Нурдин Усупбеков билдирди.

Анын айтымында, 23-февраль күнү 12 жаштагы ууланган баланын абалы жакшырып, үйүнө чыгарылган.

"Жандандыруу бөлүмүндө эсине келе албай жаткан кызды Бишкектеги ооруканалардын бирине жөнөттүк. Бүгүн эртең менен абалын сураганыбызда эсине келе электигин айтышты", - деди Усупбеков.

Окуя 20-февралга караган түнү болгон. Андан бир күн мурун үй-бүлөнүн электр энергияга болгон карызы төлөнбөй, адистер электр жарыгын өчүрүп кетишкен. Буга байланыштуу алар үйдүн ичинде от жаккан меш болбогондуктан темир челекке от жагып, андан чыккан иске ууланып калышкан. Жыйынтыгында үй ичинде уктап жаткан үй кожойкеси менен бир кызы каза болуп, 12 жаштагы уулу менен 4 жаштагы кызы оорукананын жандандыруу бөлүмүнө жеткирилген.

Ал эми аталган үй-бүлөнүн 2483 сом карызы үчүн электр жарыгын өчүрүп кеткен монтёр менен инспектор жумуштан бошотулган.

Автор: Айсалкын Качкынбекова

15:41 25-02-2019

Жазылуу

РУБРИКАДАГЫ СОҢКУ КАБАРЛАР

11:37 2025-06-12 | Түркүн дүйнө

Гренландияда муз катмары рекорддук деңгээлде ээриди 157 0

11:18 2025-06-12 | Түркүн дүйнө

Лос-Анжелесте коменданттык саатка карабай жүздөгөн демонстранттар тараган жок 242 0

11:12 2025-06-12 | Коом жана турмуш

Баетов – Макмал унаа жолунда асфальт төшөө иштери жүрүүдө 167 0

11:03 2025-06-12 | Түркүн дүйнө

Израиль Иранга сокку урушу мүмкүн 555 0

10:17 2025-06-12 | Маданият, шоу-бизнес

III Бишкек эл аралык кинофестивалы салтанаттуу түрдө ачылды 340 0

10:08 2025-06-12 | Бизнес-Инфо

Биринчи жолу! “Элдик Банктан” Ижара МБ – Бизнес 190 0

Архив

Комментарийлер (6)

Kanat.tls

2019-02-25 16:00:59

Мамлекет мыйзам чыгарат, аны аткарган кишилер жазаланат. Аткарбагандар жыргап журушот

Kanat.tls

2019-02-25 16:26:29

Кызматтан кетирбей тарифти азайтыш керек

Kanat.tls

2019-02-25 16:27:07

Проблеманын чечүүнүн оной жолуп тандабай

Nanei

2019-02-25 18:03:35

Уйдо меш болбогон эмес деп туура эмес айтып жатасынар. Меш болгон. Суу менен жылый турган паравой отопление
. От жакпайбыз деп аялы суусун тогуп салган экен свет очургондон мурда.

Nanei

2019-02-25 18:04:59

Уй булосу начар жашаган эмес жеьиштуу эле уй було болгон экен.

Aikaaaa

2019-02-25 22:30:59

Nanei,жергиликтүү кеңештин депутаты деп жүрбөдү беле. Эми бул жерде чоң масштабдагы эмес болсо да, айылдын чиновнигинин бир күндүк свети жок калгандагы жашоосу деп түшүнүп атам

-1

Комментарий калтыруу үчүн өз ысымыңыз менен кириңиз же каттоодон өтүңүз.