Дөлөн Өмүрзаков атындагы стадиондун жетекчиси "Дордой"-"Алтын Асыр" беттешинде газондун даяр болбой калгандыгынын себебин түшүндүрдү

Кечээ, 3-апрелде АФК Кубогунун алкагында Бишкектеги Дөлөн Өмүрзаков атындагы стадиондо "Дордой" клубу Түркмөнстандын "Алтын Асыр" клубун кабыл алды. 1:1 эсебинде тең чыгуу менен жыйынтыкталган беттештен кийин бишкектик клубдун башкы машыктыруучусу Александр Крестинин оюндун жыйынтыгына талаадагы газондун сапаты да чоң таасирин тийгизгенин белгиледи.

Газондун даяр болбой калгандыгынын себебин аталган стадиондун директору Жеңишбек Кызалаков туруксуз аба ырайы менен байланыштырды. Анын айтымында, мартта жаан чачын көп болгондуктан оюн талаасын даярдоого убакыт аз бөлүнүп калды.

"Өзүңүздөр билгендей, март айында жаан-чачын көп болду. Мунун айынан газонду даярдоого 20 күнгө жетпеген гана убакыт бөлүп калдык. Эртерээк киришкенде башкача жыйынтык болмок.

Негизи талаадагы чөптүн баарын алып салып, жаңы газон өстүрүш үчүн кеминде 5-6 ай убакыт керек болот. Кийинки оюн 1 жарым айдан кийин өтөрүн эске алсак, бизде убакыт жетишсиз. Ошондуктан азыркы газонду сугарып, чөп чыкпай калган жерлерине жаңысын себебиз. Кийинки беттеш идеалдуу газондо өтөт деп убада бере албайм. Бирок кечээги оюндагыга караганда алда канча сапаттуу газон болот", - деди Кызалаков.

Автор: Бекболот Сарыбаев
Фото: Бекболот Сарыбаев

13:43 04-04-2019

Жазылуу

РУБРИКАДАГЫ СОҢКУ КАБАРЛАР

14:06 2025-07-26 | Кылмыштар, кырсыктар

Чүй милициясы поезддин ташбараңга алынышы боюнча текшерүү башталганын билдирди 7 0

13:08 2025-07-26 | Коом жана турмуш

Алгачкы жинсы шымдары чыккан шаарга саякат (блог) 1252 0

12:33 2025-07-26 | Коом жана турмуш

УКМКнын Жалал-Абаддагы жыйынында бир нече адам кармалды 401 0

12:02 2025-07-26 | Коом жана турмуш

Алмамбет Шыкмаматов Coca-Cola`нын накта, накта эместиги кантип айырмаласа болорун көрсөттү (видео) 832 0

11:34 2025-07-26 | Түркүн дүйнө

Трамп Ким Чен Ын менен сүйлөшүүгө даяр. Кандай максатта? 599 0

10:50 2025-07-26 | Коом жана турмуш

Жаңы гимдин текстине 5 вариант тандалып, музыкасына сынак жарыяланды 639 0

Архив

Комментарийлер (15)

volk27

2019-04-04 14:18:01

Биздин мектептин стадионуна окшоп калыптыр

Jarma

2019-04-04 14:19:55

Сөгүш берип, кызматтан алыш керек. Убакыт аз деген, бул жөн гана шылтоо.

Dalil

2019-04-04 14:26:33

Жамгыр көп жаап чаңы чыгып кетиптирда анда ээ? Жүйөөлүү себеп айткыла биз ишенели. Быйыл тескерисинче жамгыр аз жаады.

BaihanUlanov

2019-04-04 14:31:48

Аман эле болгула, бир мамлекеттин стадионун жасай албасаңар ХХХХХ, ушу чоңдордун бетине түкүргум келип жүрөт.

admin_portal

2019-04-04 14:43:46

BaihanUlanov, коомдук адепти сактаңыз. Эскертүү!

-2

Sahka

2019-04-04 15:51:41

admin_portal, кыжыры кайнаса башка соз келбейткен да. Мамлекеттин абройун тушургон ХХХХ

Dembele84

2019-04-04 14:46:59

Озу бул стадион Кыргызстандын эн ишенген стадиону болсо,анан ушинтип ар шылтоону айтып отурса болбойт да.Эми ушинтип отура берсе ФИФА нын комиссиясы стадионго ойногонго болбойт деп,коншу мамлекеттерге ойнотуп койот,отурабыз анан Дордойго болеть этиш учун Озбекстанга барып.Агроном дегендин жакшысын таап,жакшы конул бурбаса болбойт бул корунуш!!!

Dalil

2019-04-04 21:32:34

Dembele84, агроному да таяке-жээни жэ ага-иниси болуп кетсе керек. Биз элестеткендей кетменди ийинге көтөргөн иштерман эмес, жол тандабастан түшпөй көчө чаңыткан бирөөдүр балким

bessmertiy

2019-04-04 16:33:58

Оштогу стадиондо газонго чатыр жаап 20-февралдагы беттешке сонун кылып эле даярдашты эле го.

Dalil

2019-04-04 21:34:08

bessmertiy, аны Ош дейт. Бул жер Бишкек. Жамгыр көөп жаап ишке чыгалбай жатышса кантсин бечараларды.

Turdakun85

2019-04-04 17:06:18

Жок дегенде чаң учуртпай сугарып коюшпайбы уят эле болдук мынтип жатышса футбол өнүкпөйт го

elchi84

2019-04-04 19:22:43

Газонду да сатып жибердинерби?

aiba.8327

2019-04-04 22:59:19

Лейлек не болбу граница туугандар газонун мн жерге кир

Bale

2019-04-05 12:29:00

Марртта 2эле жолу жаады го жаан.Бишкекте )))

Mambetali

2019-04-05 13:41:28

Жаан жааганда силер не иштебейсинерби а... уялсанар кичине европада кунуго жаан жаайтго...

Комментарий калтыруу үчүн өз ысымыңыз менен кириңиз же каттоодон өтүңүз.