Ичүүчү суу менен камсыз кылуу департаментинин директору өлкөнүн 386 айылында ичүүчү суу жоктугун айтты

Ичүүчү суу менен камсыз кылуу жана суу берүүнү өнүктүрүү департаментинин директору Аскарбек Токтошев өлкөнүн 386 айылында ичүүчү суу жоктугун айтты. Бул тууралуу ал өкмөттүн жыйынында билдирди.

"Азыркы тапта өлкөнүн аймагында 1819 айыл бар. Алардын ичинен 267 айылда ичүүчү суу менен камсыздоо тутуму 1960-жылга чейин курулган. Ал эми 386 айылда таптакыр жок. Анын маалыматы боюнча, айыл жергесинде калктын 35,5 пайыз ичүүчү суу менен тийиштүү деңгээлде камсыздалган эмес", - дейт ал.

Премьер-министр Мухаммедкалый Абылгазиев белгилегендей, калкты ичүүчү таза суу менен камсыздоо өлкөнү социалдык-экономикалык өнүктүрүүнүн маанилүү багыты болуп саналат. Анын айтымында, 2001-жылдан 2011-жылга чейин 533 айылда суу менен камсыздоо объекттерин реконструкциялоого 70 миллион доллар жумшалган.

"Учурда 57 айылда суу менен камсыздоо объекттеринде кайра оңдоо жүрүп жатат. Бул коррупциялык механизмдердин бар экендигин айтып турат. Эски түтүктөрдү орнотуу фактылары бар жана бул үчүн эч ким жоопкерчилик албайт. Сапатсыз материалдарды пайдалануу бизди кайрадан оңдоого мажбур кылууда", - деди Абылгазиев.

Автор: Жылдыз Джускембаева

08:23 08-04-2019

Жазылуу

РУБРИКАДАГЫ СОҢКУ КАБАРЛАР

14:06 2025-07-26 | Кылмыштар, кырсыктар

Чүй милициясы поезддин ташбараңга алынышы боюнча текшерүү башталганын билдирди 7 0

13:08 2025-07-26 | Коом жана турмуш

Алгачкы жинсы шымдары чыккан шаарга саякат (блог) 1252 0

12:33 2025-07-26 | Коом жана турмуш

УКМКнын Жалал-Абаддагы жыйынында бир нече адам кармалды 401 0

12:02 2025-07-26 | Коом жана турмуш

Алмамбет Шыкмаматов Coca-Cola`нын накта, накта эместиги кантип айырмаласа болорун көрсөттү (видео) 832 0

11:34 2025-07-26 | Түркүн дүйнө

Трамп Ким Чен Ын менен сүйлөшүүгө даяр. Кандай максатта? 599 0

10:50 2025-07-26 | Коом жана турмуш

Жаңы гимдин текстине 5 вариант тандалып, музыкасына сынак жарыяланды 639 0

Архив

Комментарийлер (3)

erlan2196

2019-04-08 08:47:46

Ар кайсы жерге МЕЧИТ салгандын ордуна таза суу чыгарсанар элдин ден соолугуна пайда. Мечит салгандан жашоо шартыбыз эч онолбойт. Мечиттер кыргыз жаштарын арабташтыра турган борборго айланып калган.

-1

filis

2019-04-08 10:47:04

Мечиттерге барып сыйынып коюуудан элдин маселеси чечилип калбайт. Андыктан каражаттарды Мечиттерге жумшабай социалдык маселеге жумшагыла.

Ysakov_Nur

2019-04-08 12:56:49

Туугандар!
Мечит салганга мен мусулман катары каршы чыгалбайм, туура бул жонундо пагаймбарыбыздын хадистери да бар.
Бирок азыр мамлекетибизге Кудайга шугур мечиттер жетиштуу.
А бала-бакча, мектеп, оорууканаларыбыз аябай эле жетишсиз, жолдорубуздун абалы мышык ыйлагыдай болуп турат. Мектеп, жол салууну да модага айландырсак жакшы болмок...

Комментарий калтыруу үчүн өз ысымыңыз менен кириңиз же каттоодон өтүңүз.