Жалал-Абад облусунун Базар-Коргон районуна караштуу Акман айылында 19-апрелден бери изделип жаткан 5 жашар баланын жансыз денеси суудан табылды. Маалыматты ӨКМнын басма сөз кызматы билдирди.
"19-апрель күнү саат 17:00дө Акман айылынын тургуну 2014-жылы туулган И.Э. аттуу наристе дайынсыз жоголгон.
Бүгүн, 26-апрелде издөө иштери уланып, куткаруучулар саат 10:30да наристенин жансыз денесин Кайырма көлү менен каналдын кошулган жеринен табышты. Анын денеси туугандарына өткөрүлүп берилди", - деп билдирет аталган министрликтин басма сөз кызматы.