“Манас” эпосу Венгриянын мектептеринде окутулат

“Манас” эпосу венгер тилине которулуп бүттү, эми котормо Венгриядагы 5000ден ашуун мектепке таркатылат. Бул тууралуу Венгрия парламентинин депутаты Ференц Папчак бүгүн, 30-июлда Бишкекте маалымат жыйында билдирди. “Венгрияда эпостун которулган нускасы үчүн атайын бет ачар уюштурулат. Ошондой эле 5000 нуска менен чыккан эпосту мектептерге таратабыз. “Манас” эпосу жаштарга кызыгуу жаратат болуш керек”,- дейт Папчак. Эпосту кыргызчадан венгер тилине этнограф-чыгыш таануучу Даут Кара Шомфаи которгон. Эске салсак, эпос Ференц Папчактын демилгеси жана демөөрчүлүгү менен венгер тилине которулган.

Автор: Ширин Турдакунова