Жайкы эс алууга карата бир катар жаңы аба каттамдар ачылат

2019-жылы туризмди өнүктүрүү максатында бир катар жаңы аба каттамдарын ачуу пландалды. Бул тууралуу Транспорт жана жолдор министрлигинин басма сөз кызматы билдирди.

Маалыматка ылайык, "Qazaq Air" авиакомпаниясы ушул жылдын 7-июнунан тартып Алматы-Ош-Алматы багытында аптасына эки жолу - жума жана жекшемби күндөрү каттай баштайт. Бул авиакомпания ушул жылдын 5-апрелинен баштап Алматы-Бишкек-Алматы каттамын ишке киргизген.

Ал эми "Air Arabia" авиакомпаниясы 2-июлдан баштап Шаржа-Бишкек-Шаржа багытында аба каттамын ишке ашырат. Каттам жумасына 4 жолу – шейшемби, бейшемби, ишемби жана жекшемби күндөрү болот.

"Өзбек аба каттамдары" авиакомпаниясы дагы 27-июндан баштап Ташкент-Тамчы-Ташкент каттамын ачат. Каттам чартердик негизде аптанын жекшемби күнү каттап турат.

"Атлас Глобал" авиакомпаниясы тарабынан 2019-жылдын 10-июнунан тарта жайкы сезонго Анталья-Бишкек-Анталья каттамы ишке кирип, жумасына эки жолу – жума жана жекшемби күндөрү жүрүп турат. Июнь айынан баштап "Түрк аба каттамдары" авиакомпаниясы Анталья-Бишкек-Анталья багытында жумасына бир жолу – ишемби күнү учкан каттамды киргизет.

Ошондой эле 22-июнда "Сибирь" авиакомпаниясы Новосибирск-Тамчы-Новосибирск багытында жумасына бир жолу - жекшемби күнү каттап баштайт.

"Tez Jet" авиакомпаниясы 28-июндан баштап, жумасына 4 жолу каттаган Ош-Тамчы-Ош каттамын жандандырат.

Автор: Айсалкын Качкынбекова

08:09 30-05-2019

Жазылуу

РУБРИКАДАГЫ СОҢКУ КАБАРЛАР

00:55 2025-07-24 | Түркүн дүйнө

Кейптаундун жээгинде океан суусуна түшкөн блогер кыз популярдуулукка ээ болду (видео) 985 0

00:30 2025-07-24 | Кылмыштар, кырсыктар

Бишкектеги кампадан чыккан өрт өчүрүлдү (видео) 414 0

00:19 2025-07-24 | Коом жана турмуш

Ташиев: "Жалал-Абадга 10 жылдан кийин келген киши адашат" (видео) 863 0

23:54 2025-07-23 | Түркүн дүйнө

Стамбулда орус-украин сүйлөшүүлөрүнүн үчүнчү айлампасы башталды 519 0

23:45 2025-07-23 | Саясат

Бишкек мэриясында үч жетекчи кызматтан алынды 813 0

23:19 2025-07-23 | Саясат

Монголия президентинин Кыргызстанга болгон мамлекеттик сапары аяктады 560 0

Архив

Комментарийлер (3)

Sabette

2019-05-30 08:29:01

Жакшы экен онуктуруу керек туризмди өнүктүрүү керек. Кербен аэропортунанда каттамдар май айында болот дедиңер эле маалымат берип койсоңуздар ошол боюнча!!!?

admin_portal

2019-05-30 10:33:44

Sabette, саламатсызбы! Сунушуңузга рахмат, тиешелүү бөлүмгө жеткирилди.

guli-1980

2019-05-30 19:58:29

Билеттин баасын да жазып койсо болобу?

Комментарий калтыруу үчүн өз ысымыңыз менен кириңиз же каттоодон өтүңүз.