Адилеттүүлүктү коргоо комитети Кылычбек Султандын УКМКга чакырылышы боюнча президентке кайрылуу жасады

Адилеттүүлүктү коргоо комитети президент Сооронбай Жээнбековго, башкы прокурор Өткүрбек Жамшитовго жана УКМКнын төрагасы Орозбек Опумбаевге кайрылуу жасады.

Кайрылуу жасоого кечээ, 3-июлда жана бүгүн коомдук саясатчы Кылычбек Султандын УКМКга себеби көрсөтүлбөй чакырылгандыгы негиз болгон.

"Кылычбек Султан УКМКга экс-президент Алмазбек Атамбаевдин штабына баргандан кийин суракка чакырылган. Адилеттүүлүктү коргоо комитети УКМКнын бул иш-аракетин сөз эркиндигине жана оппозициялык саясий ишмердүүлүккө болгон кысым деп баалайт. Кылычбек Султанга карата болуп жаткан саясий куугунтукту токтотууну, конституциялык укукту жана жарандык эркиндикти сактоону талап кылат", - деп жазылат кайрылууда.

Автор: Айзада Тураркулова