Акыйкатчы Токон Мамытов: "Акыйкатчы институту Атамбаевди кармоо боюнча иликтөө жүргүзүп жатат". КҮНСОБОЛ

Бүгүн ички иштер министри, УКМКнын төрагасы жана башкы прокурор маалымат жыйынын берди. Жыйында күч түзүмдөрүнүн жетекчилери Алмазбек Атамбаев эки жолку сүйлөшүүдөн кийин колго түшкөнүн жана Кой-Ташта орун алган окуя тууралуу айтып беришти.

SUPER.KG порталы "Алмазбек Атамбаевди кармоо боюнча күч органдарынын ишинде кайсы аракеттер туура, кайсынысы туура эмес болду?" деген собол салды.

Акыйкатчы Токон Мамытов азырынча иликтөөнүн жыйынтыгы чыга электигин айтты. "Акыйкатчы институту Атамбаевди кармоо боюнча иликтөө жүргүзүп жатат. Азырынча жыйынтыгы чыга элек. Тиешелүү органдардан документтерди сурап жатабыз. Документтерин көргөндөн кийин кайсы аракети туура же туура эмес экенин айтабыз", - дейт Мамытов.

Автор: Жылдыз Джускембаева