Депутат Эмилбек Токтошев: "Экологияга зыянын тийгизген баштыктарды колдонууга тыюу салуу керек". КҮНСОБОЛ

Өкмөт пластик баштык колдонууга салык киргизүү боюнча мыйзам долбоорун Жогорку Кеңештин кароосуна киргизди. Долбоор айлана-чөйрөнү коргоо максатында иштелип чыккандыгы жазылган. Анда пластик баштыктын ордуна кагаз баштыгын колдонуу сунушталган. Пластик баштыктарды сатууда же импорттоодо аларды Кыргыз Республикасында утилизация кылуу үчүн төлөмдөрдү киргизүү камтылган.

SUPER.KG порталы "Өкмөт айлана-чөйрөнү коргоо максатында пластик баштыктарды колдонууга салык киргизүүнү сунуштады. Колдоо керекпи?" деген собол салды.

Жогорку Кеңештин депутаты Эмилбек Токтошев салык киргизүү туура эмес экенин айтты.

"Салык киргизбей эле экологияга зыяны тийе турган пластик баштыктарга тыюу салуу керек. Пластик баштыктар чирибейт. Салык киргизген туура эмес. Чирий турган, экологияга зыян тийгизбеген баштыктарды колдонуу керек. Мындай баштыктарды колдонууга көпчүлүк мамлекеттер өтүп жатат", - дейт Токтошев.

Автор: Жылдыз Джускембаева