Президент менен Дин иштери боюнча мамлекеттик комиссиясынын директору радикализм жана экстремизмди алдын алуу маселелерин талкуулашты

Бүгүн, 20-ноябрда президент Сооронбай Жээнбеков Дин иштери боюнча мамлекеттик комиссиясынын директору Зайырбек Эргешовду кабыл алды. Бул тууралуу президенттик аппараттын басма сөз кызматынан билдиришти.

Маалыматка ылайык, жолугушууга Кыргыз мамлекети мусулмандарынын дин башкармалыгынын башчысы муфтий Максат Токтомушев, Бишкек жана Кыргыз мамлекетиндеги орус православ чиркөөсүнүн епархия епископу Даниил катышты.

Мамлекет башчысы кыргыз элинин маданияттарынын биримдигин жана ар түрдүүлүгүн сактоо жана бекемдөөнүн маанисин белгиледи.

Инсандын, коомдун жана жалпысынан мамлекеттин өнүгүүсүндө руханий жан дүйнөнүн өзгөчө ролун баса белгиледи.

Ошондой эле Сооронбай Жээнбеков ишенимге аяр мамиле жасоо жана ынтымакты бекемдөө идеяларын коомго сиңирүү зарылдыгын белгиледи.

Муфтий Максат Токтомушев жана епископ Даниил региондордо конфессиялар аралык диалогду жакшыртуу, өлкөдө диний сабаттуулукту жогорулатуу боюнча чаралар жөнүндө айтып беришти.

Ошондой эле коомдо конфессиялар аралык ынтымакты жана сабырдуулукту бекемдөө, радикализм жана экстремизмди алдын алуу маселелери талкууланды.

Мындан тышкары, 21-ноябрда Бишкек шаарында өтө турган "Ислам жана Православие - тынчтыктын диндери" эл аралык конференциясына даярдыктар жөнүндө маалымат берилди.

Автор: Жылдыз Джускембаева