Премьер-министр Мухаммедкалый Абылгазиев иш сапары менен Нарын облусуна барды

Кыргыз Республикасынын премьер-министри Мухаммедкалый Абылгазиев иш сапары менен Нарын облусуна барды. Бул тууралуу өкмөттүн басма сөз кызматынан билдирет.

Иш сапардын алкагында Абылгазиев Турдакун Усубалиевдин музейинин жана эстелигинин курулушуна капсула салды. Ошондой эле Кочкор районундагы Кочкор айылына курула турган музей жана эстеликтин эскизи менен таанышты. "Өкмөт башчы «Чолпон» кинотеатрында жүргүзүлүп жаткан оңдоп-түздөө иштерин көрүп, бул объекттеги бардык оңдоп-түзөө иштери өз учурунда жана сапатуу бүтүүсүн камсыз кылууну тапшырды", - деп айтылат маалыматта.

Автор: Адилет Керимбек уулу