2019-жылы гранттардын каражаттарынын эсебинен 244 долбоор каржыланды

2019-жылы гранттардын каражаттарынын эсебинен 244 долбоор каржыланды. Бул тууралуу Финансы министрлигинин басма сөз кызматынан билдиришти.

Маалыматка ылайык, бүгүнкү күндө республикалык бюджеттен "дем берүүчү гранттар" беренеси боюнча жалпысынан 409 миллион 606 миң сомго 244 долбоор каржыланды. Анын ичинен 2019-жылы 230 долбоор толук көлөмдө бүткөрүлдү.

"2019-жылы 247 долбоор боюнча өткөрүлгөн тендерлерге ылайык жумуштарды аткарууга түзүлгөн келишимдердин жыйынтыктары боюнча үнөмдөлгөн акча каражаты 185 миң 265 сомду түзгөн. Анын ичинен 180 миң сом "Кыргыз Республикасынын 2019-жылга республикалык бюджети жана 2020-2021-жылдарга болжолу жөнүндө" мыйзамына өзгөртүүлөрдү жана толуктоолорду киргизүүдө эске алынган. Ошентип "дем берүүчү гранттар" беренеси боюнча такталган бюджет 420 миң сом деп бекитилген", - деп жазылат маалыматта.

Автор: Жылдыз Джускембаева